Android օպերացիոն համակարգում լուրջ թերություն է հայտնաբերվել 7 օգոստոսի 2015 - 16:07 AMT PanARMENIAN.Net - Մասնագետները լուրջ թերություն են հայտնաբերել Android բջջային օպերացիոն համակարգում: Վերլուծությունը կատարել են աշխարհի խոշորագույն Check Point վենդորի համացանցային անվտանգության փորձագետներն ու ներկայացրել են Black Hat USA 2015 կոնֆերանսի նստաշրջաններից մեկում: Black Hat Conference-ը համակարգչային անվտանգությանը նվիրված խորհրդաժողով է, որը միավորում է բազում մարդկանց, որոնք հետաքրքրվում են տեղեկատվական անվտանգության հարցերով: Միջոցառումն այցելում են ինչպես դաշնային գործակալությունների ու կորպորացիաների ներկայացուցիչներ, այնպես էլ հաքերներ: Այն մշտապես անցնում է Լաս Վեգասում, Ամստերդամում կամ Տոկիոյում: Հայտնաբերված Certifi-gate խոցելիությունը սպառնալիքի տակ է դնում LG, Samsung, HTC և ZTE սմարթֆոններն ու պլանշետները: Այն թույլ է տալիս հավելվածներին ապօրինաբար մատչելիության արտոնյալ իրավունքներ ստանալ, որոնք սովորաբար ունենում են հեռահար աջակցության հավելվածները, որոնք նախապես տեղադրվում են սարքում արտադրողի կամ օգտատերի կողմից: Չարագործները կարող են կիրառել Certifi-gate-ը սարքին անսահմանափակ մատչելիություն ստանալու համար և առևանգել անհատական տվյալները, ինչպես նաև հետևել գաջեթների գտնվելու վայրին, բարձրախոսներ միացնել անձնական բնույթի խոսակցություններ ձայնագրելու համար և շատ այլ բաներ: Android-ը մատչելիության արտոնյալ իրավունքներ տվող հավաստագրերը չեղյալ համարելու միջոց չի առաջարկում: Առանց անհրաժեշտ պատչերի կամ այլ գործիքների սարքերը խոցելի են օգտագործման հենց սկզբից: Check Point ընկերությունն իրազեկել է Certifi-gate-ի հայտնաբերման մասին բոլոր շահագրգիռ մատակարարներին, որոնք ձեռնամուխ են եղել պատչերի արտադրմանը: Խոցելիությունը վերացվում է միայն ծրագրային ապահովման թարմացման դեպքում, իսկ դա շատ ժամանակ է պահանջում: Check Point Software Technologies Ltd.-ն ընկերություն է, որն աշխատում է ՏՏ անվտանգության ոլորտում: Մշակում է ծրագրային ու ապարատային համակարգեր, ներառյալ միջցանցային էկրաններ ու վիրտուալ մասնավոր ցանցերի կազմակերպման միջոցներ: Հիմնվել է 1993 թ. Իսրայելում: Այժմ ունի մոտ 2 200 աշխատակից ամբողջ աշխարհում, ավելի քան 100 000 օգտատեր: Fortune 100 ցանկի բոլոր ընկերությունները և Fortune 500-ի 98 %-ն օգտագործում է CheckPoint-ի արտադրանքը: Ընկերության կենտրոնները գտնվում են Իսրայելում, Կալիֆորնիայում, Շվեդիայում և Բելառուսում: Գրասենյակներ ունի նաև ԱՄՆ այլ քաղաքներում և Կանադայում: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Մխիթարյանն 1-ին անգամ իր կարիերայում դարձել է թոփ 5 լիգաները ներկայացնող առաջնության չեմպիոն Նա հանդես է եկել նաև «Ռոմայում», «Արսենալում», «Մանչեսթեր Յունայթեդում», «Բորուսիա Դորտմունդում» Փաշինյան․ ՀՀ–ն չի պատրաստվում պատերազմել ԼՂ համար Նա նշել է, որ ՀՀ կառավարությունը պատրաստ է քայլեր ձեռնարկել, որ ադրբեջանական 4 գյուղում մարդկանց կյանքը հնարավոր դառնա ԱՄՆ Կոնգրեսում օրինագիծ են պատրաստում Ադրբեջանի պաշտոնյաների դեմ պատժամիջոցների վերաբերյալ Օրինագծում նաև խոսվում է հայ ռազմագերիների իրավունքների խախտման մասին Կիրակոսյանը՝ Հաագայի դատարանում. ԼՂ բազմաթիվ գյուղեր ու քաղաքներ պարզապես անհետացան Նա նաև փաստարկներ է ներկայացրել, թե ինչու ՀՀ-ն չի կարող մեղադրվել Ադրբեջանի դեմ ռասայական խտրականության մեջ |