Motorola Mobility ընկերությունը պատահաբար ցուցադրել է Twitter-ի իր պաշտոնական էջում Moto 360 «խելացի» ժամացույցների երկրորդ սերունդը, որոնք իրավամբ լավագույններից են համարվում Android Wear հարթակում:
«Խելացի ժամացույցը» համակարգչայնացված ձեռքի ժամացույց է ընդլայնված գործառույթներով (ժամանակին հետևելուց բացի), որը հաճախ համեմատվում է կոմունիկատորի հետ: Ժամանակակից «խելացի ժամացույցները» ձեռքին կրվող համակարգիչներ են: Մոդելներից շատերը կողմնակի հավելվածների հնարավորություն ունեն ու կառավարվում են բջջային օպերացիոն համակարգերով, կարող են օգտագործվել որպես շարժական մեդիա-նվագարկիչներ:
Հետևելով չինական Huawei-ի օրինակին, Motorola-ն որոշել է տեղափոխել գաջեթի ֆունկցիոնալ կոճակը «ժամը 2-ի» վրա: Հավանաբար, Moto 360 ընդունիչում ևս կլինի ոչ ակտիվ շրջան թվատախտակի ներքևի մասում, թեև մյուս արտադրողներն արդեն սարքեր են արտադրում ամբողջապես կլոր դիսփլեյով: Պատկերի վրա կարելի է նկատել նաև նոր ամրակը: Առաջին Moto 360-ում մետաղյա թևնոցների կիրառման դեպքում կորպուսի հետևի պանելին ճագեր ու խզվածքներ էին հայտնվում:
Twitter-ում հրապարակվել է նորույթը ներկայացնող կարճ տեսանյութը, սակայն նկատելով դա, Motorola-ի աշխատակիցները փոխարինել են այն «խելացի» -ժամացույցների նախատիպի լուսանկարով: Հետագայում այն ընդհանրապես անհետացավ ընկերության էջից:
Հուլիսի վերջում ամերիկյան Motorola ընկերությունը միանգամից 3 նոր սմարթֆոն ներկայացրեց: Ինչպես կարծում են մասնագետները, ներկայացված սարքերից յուրաքանչյուրը կարող է լավագույնը լինել իր դասում, ինչը ընկերությանը կդարձնի շուկայի հսկաների` Apple-ի և Samsung-ի լուրջ մրցակիցը: Բոլոր սմարթֆոններն առաջնային որակներ ունեն, սակայն զգալիորեն ավելի էժան են հայտնի առաջատարներից:
Առաջինը ներկայացվեց Moto X Style սմարթֆոնը: Այն ունի 5,7-դյույմանոց Quad HD-դիսփլեյ, իսկ դիմացի պանելի վրա տեղադրված են ստերեոդինամիկներ: Հետևի պանելն ունի սիլիկոնային ծածկույթ: Ընկերության ներկայացուցիչները հայտարարեցին, որ սա ամենաարագ լիցքավորվող հեռախոսն է աշխարհում` TurboPower տեխնոլոգիայի շնորհիվ: Այն լիցքավորվում է 50% ավելի արագ, քան Samsung Galaxy S6-ը: Ընդամենը 15 րոպեում հեռախոսն այնքան լիցքավորվեց, որ էներգիան բավարարեց 10 ժամ և ավելի: Moto X Style-ը 200-300 դոլարով էժան կլինի Apple-ի և Samsung-ի լավագույն հեռախոսներից:
Երկրորդ սմարթֆոնը` Moto X Play-ն է: Նրա մարտկոցի ծավալը 3630 մԱժ է` 42%-ով ավելի: Գինը 300-400 դոլարով պակաս է, քան մրցակիցների մոտ: Հեռախոսն ունի 221-մեգապիկսելանոց հիմք ու 5-մեգապիկսելանոց դիմային տեսախցիկ: Սմարթֆոնն ունի 5,5-դյույմանոց դիսփլեյ 1080p թողունակությամբ: Այսպիսով, այս մոդելն ավելի կոմպակտ է, քան Style-ը: Moto Assist գործառույթը թույլ է տալիս ավտոմատ կերպով կարգաբերել հեռախոսն ըստ շրջակա հանգամանքների ու ընթացիկ ակտիվության: Moto X Play-ը հիմնված է Snapdragon 615 պրոցեսորի վրա:
Երրորդ սմարթֆոնը` նոր Moto G-ն է, որի գինը կազմում է առաջատար սմարթֆոնի սովորական գնի միայն մեկ երրորդը` 400-500 դոլարով էժան է, քան առաջնային դիվայսները: Սմարթֆոնն ունի 13-մեգապիկսելանոց հիմք ու 5-մեգապիկսելանոց դիմային տեսախցիկ, ունի ոսպնյակների նոր համակարգ և ինֆրակարմիր ֆիլտր: Սմարթֆոնը ջրամեկուսիչ է (IPX7) և կարող է մինչև 30 րոպե մնալ ջրի տակ 1 մ խորության վրա: Սարքը կունենա սև և սպիտակ տարբերակ: Moto G-ն վաճառքում է հուլիսի 28-ից և մատչելի կլինի աշխարհի 60 երկրում: 8-գիգաբայթանոց կուտակիչով մոդելի գինը 179,99 դոլար է (մոտ 86 հազար դրամ):
Moto X Style-ը վաճառքի կհանվի արդեն 2015-ի սեպտեմբերին, Moto X Play-ը` օգոստոսին (55 երկրում):
