Աթենքը 14 օդանավակայան է սեփականաշնորհել. Դա վարկատուների պայմաններից մեկն էր

Աթենքը 14 օդանավակայան է սեփականաշնորհել. Դա վարկատուների պայմաններից մեկն էր

PanARMENIAN.Net - Հունաստանի Տնտեսական քաղաքականության խորհուրդը հավանություն է տվել 14 տարածաշրջանային օդանավակայանի սեփականաշնորհմանը գերմանա-հունական Fraport и Slentel Ltd կոնսորցիումի կողմից, հայտնում է ANA գործակալությունը:

Հունական օդանավակայանների սեփականաշնորհումը միջազգային վարկատուների հետ Հունաստանի նոր համաձայնագրի պայմաններից մեկն է: Որոշումը ստորագրել է փոխվարչապետ Յաննիս Դրագասակիսը, ֆինանսների նախարար Էվկլիդես Ցակոլոտոսը և արտադրական բարեփոխման, շրջակա միջավայրի և էներգետիկայի նախարար Պանոս Սկուրլետիսը:

Օդանավակայաններիսեփականաշնորհման տենդերը կայացել էր դեռ 2013-ին, սակայն կասեցվեց Ցիպրասի կառավարության կողմից: Մրցույթում հաղթել էր գերմանական Fraport ընկերությունը, որը հայտ էր ներկայացրել հունական Slentel Ltd-ի հետ համատեղ:

Խոսքը շահույթով աշխատող օդանավակայանների մասին է, որոնք գտնվում են Հունաստանի հայտնի զբոսաշրջային կղզիներում` Ռոդոսում, Կորֆուում, Միկոնասում և Սանտորինում: Այդ թվում են նաև Սալոնիկի, Ակտիոնի, Կեֆալոնիա, Կոս, Լեսբոս, Սամոս, Սկիատոս և Զակինֆ կղզիների օդանավակայանները: Ընդհանուր առմամբ այդ օդանավակայաններն ամեն տարի սպասարկում են մոտ 20 մլն ուղևորի, հայտնում է ՏԱՍՍ գործակալությունը:

Ըստ կոնցեսիայի պայմանագրի, կոնսորցիումը կստանա օդանավակայնները օգտագործման համար 40 տարի ժամկետով և Հունաստանի իշխանություններին միանվագ կվճարի €1,2 մլրդ և հետո տարեկան €22,9 մլն որպես վարձկալության գումար: Բացի այդ, առաջին 4 տարում կոնսորցիումը €330 մլն ներդրում կանի, իսկ ընդհանուր ներդրումները 40 տարում պետք է կազմեն €1,4 մլրդ:

Հունաստանն ու նրա վարկատուները համաձայնության են եկել բարեփոխումների վերաբերյալ, որոնք անհրաժեշտ էին այդ երկրին օգնության երրորդ ծրագրի շուրջ պաշտոնական բանակցությունների մեկնարկի համար: Բրյուսելի գագաթնաժողովը միաձայն համաձայնության եկավ, որը լուրջ ֆինանսական բարեփոխումներ է ենթադրում և ֆինանսական աջակցություն: Խոսքը 82-86 մլրդ եվրո արժողությամբ 3-ամյա ծրագրի մասին է, այն պայմանով, որ Հունաստանը արդեն առաջիկայում կշարունակի առանցքային բարեփոխումները, այդ թվում կենսաթոշակային, սննդամթերքի շուկայի և աշխատանքի բորսայի բարեփոխումները:

Հունաստանն, իր հերթին պետք է մասնավորեցնի 50 մլրդ եվրո ընդհանուր արժողությամբ օբյեկտներ: «Ինտերֆաքսը» Եվրախմբի ղեկավար Յերուն Դեյսելբլումի վրա հղումով հայտնում է, որ գումարը փոխանցվելու է հատուկ հիմնադրամի: Այդ միջոցների մի մասը` 25 մլրդ եվրո, կօգտագործվի հունական բանկերի վերակապիտալիզացման համար: Եթե Հունաստանի խորհրդարանը հաստատի համաձայնագիրն առաջիկա 2 օրերին, մյուս երկրների խորհրդարանները կկարողանան սեփական քվեարկությունը կազմակերպել այդ հարցի վերաբերյալ, հավելել է նա:

Ճգնաժամի ընթացքում Հունաստանին հատկացվել է 240 մլրդ եվրո վարկ, որոնք, սակայն «կորան» անարդյունավետ տնտեսության «սև փոսում»` ծանր բեռ դառնալով հույն և եվրոպացի հարկատուների համար: 6 տարում` 2008-2014 թթ. երկրի ՀՆԱ-ն 240 մլրդ եվրոյից նվազել է մինչև 180 մլրդ եվրո, բնակչության եկամուտները նվազել են 40 տոկոսով, գործազրկությունն աճել է 27 տոկոսով:

 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---