Պենտագոն. ԻՊ-ն և Ռուսաստանը գլխավոր սպառնալիքներն են ԱՄՆ համար28 օգոստոսի 2015 - 13:04 AMT PanARMENIAN.Net - Պենտագոնի ղեկավար Էշթոն Քարթերն ԱՄՆ համար հիմնական սպառնալիքները համարում է «Իսլամական պետությունն» ու Ռուսաստանը: Ելույթ ունենալով Կալիֆորնիայում ծովային հետևակի զինծառայողների առջև` նախարարն առաջինը նշել է «ԻՊ անվանումը կրող այլանդակ երևույթը, որի հետ պետք է պայքարել և հաղթել»: Երկրորդ հերթին Քարթերը նշել է Ռուսաստանի քաղաքականությունը վերջին մեկ տարում: «Մենք պետք է խանգարենք դրան (ՌԴ գործողություններին) ինչպես մեր ազգային շահերից ելնելով, այնպես էլ այն պատճառով, որ մենք կարևոր դաշնակիցներ ու գործընկերներ ունենք այդ աշխարհամասում, ինչպես նաև կարևոր պարտավորություններ ՆԱՏՕ-ի գծով»,-ասել է Քարթերը: Ընդ որում նախարարը կարծիք է հայտնել որ ՌԴ գործողություններն Ուկրաինայում «սխալ ուղղությամբ են տանում ռուսներին», քանի որ դա սաստկացնում է առճակատումը մյուս երկրների հետ: «Այս երկու սպառնալիքները սաստկացել են: Մենք պետք է դիմակայենք երկուսին էլ»,-հավելել է նա, հայտնում է ՌԻԱ Նովոստին: Սա ԱՄՆ ներկայացուցիչների առաջին հայտարարությունը չէ Ռուսաստանի ինչ-որ «սպառնալիքի» մասին: Այս ֆոնին ՆԱՏՕ-ի անդամ երկրները մի շարք միջոցներ են ձեռնարկել, ուղղված ռազմական գործունեության ընդլայնմանը Եվրոպայում` ներառյալ ամերիկյան զորակազմի ավելացումը Եվրոպայում, զորավարժությունների և պարեկության ծրագրերի կտրուկ ընդլայնումը, ինչպես նաև պաշտպանական ծախսերի աճը: Մոսկվայում վստահ են, որ ՌԴ մեղադրանքներն ագրեսիվ քաղաքականություն վարելու վերաբերյալ պատրվակ են ՆԱՏՕ-ի գործունեությունն ակտիվացնելու համար: Հղումներ թեմայով. Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Բնակարանային ապահովման աջակցությունից կօգտվեն այն արցախցիները, ովքեր կդառնան ՀՀ քաղաքացի Նախատեսվում է ծրագիրն իրականացնել 5 տարվա ընթացքում Մարտի 29-ից աստիճանաբար կտաքանա 8-10 աստիճանով Երևանում ցերեկային ժամերին օդի ջերմաստիճանը կհասնի +20․․․+22 աստիճանի 2024–ին խմելու ջրի սակագինը սպառողների համար չի փոխվի 2024 թ. պետբյուջեի միջոցներից ընկերությանը կտրամադրվի սուբսիդիա Զախարովա․ ՀՀ–ԵՄ–ԱՄՆ հանդիպումն անհանգստացնում է Ռուսաստանին Ըստ նրա, «Վաշինգտոնն ու Բրյուսելը բացահայտ խոսում են դրա հակառուսական ուղղվածության մասին» |