Հակառակորդի կրակոցից Բերդում ժամկետային 2 զինծառայող է վիրավորվել

Հակառակորդի կրակոցից Բերդում ժամկետային 2 զինծառայող է վիրավորվել

PanARMENIAN.Net - Սեպտեմբերի 1-ին՝ ժամը 19:00-ից, Տավուշի մարզի մի շարք գյուղերի, հայկական դիրքերի ու Բերդի ուղղությամբ հակառակորդի արձակած կրակոցներից 2 պայմանագրային զինծառայող է վիրավորվել, տեղեկացրել է պաշտպանության նախարարի մամուլի խոսնակ Արծրուն Հովհաննիսյանը:

«Վիրավորները Բերդի տարածաշրջանի մարտական դիրքերից են, վիճակները կայուն է»,- ասել է նա, գրում է Tert.am-ը:

Վիրավորված զինծառայողներից մեկին վիրահատել են, նա որովայնի բաց թափանցող վերք ունի: Այս պահին վիճակը գնահատվում է ծայրահեղ ծանր, բայց կայուն, ասել է զինվորի վիրահատող բժիշկ, N Զորամասի հրամանատարի բուժական գծով տեղակալ Արմեն Մարդանյանը:

Ըստ նրա, վիրահատությունից հետո գիշերը զինվորին տեղափոխել են Երևան, Կենտրոնական հոսպիտալ: Մյուս վիրավոր զինծառայողի վիճակը բավարար է, վիրակապից հետո նա տեղափոխվել է հիվանդասենյակ:

Սեպտեմբերի լույս 1-ի գիշերն ու առավոտյան ադրբեջանական դիրքերից գնդակոծել էին Տավուշի մարզի Ոսկեվան և Բաղանիս գյուղերը: Այդ մասին տեղեկացրել էին գյուղապետեր Սերյոժա Ալեքսանյանն ու Նարեկ Սահակյանը:

Վերջինիս խոսքով,սեպտեմբերի 1 է, և տոնական օրերին միշտ էլ կրակում են: Ըստ Սահակյանի, քանի որ կրակել էին գյուղի դպրոցի մերձակայքում գտնվող միջպետական ճանապարհի վրա, սեպտեմբերի 1-ի տոնական միջոցառումներն արագ ավարտվել էին, վիրավորներ չկային, միայն վնասվել էին մի քանի տների ապակու փեղկեր, ճակատային մասի պատեր:

Պաշտպանության նախարար Սեյրան Օհանյանը նույն օրը լրագրողներին ասել էր, որ իրավիճակը շփման գծում ու սահմանին վերահսկվում է, բնակչությունը կարող է հանգիստ լինել, հայկական բանակը, ինչպես միշտ, այնպես էլ այսօր իր առջև դրված խնդիրները լավագույնս է լուծում:

ՊՆ ղեկավարի խոսքով՝ իրականում կրակոցների թիվն ավելանում և պակասում է, բոլոր տեսակի միջոցառումներն առաջնագծում ապահովված են: Դիվերսիոն հետախուզական խմբերի գործողության մի քանի փորձ է եղել, որոնք ԼՂՀ հակամարտության գծում հաջողությամբ կանխվել են:

Ղարաբաղա-ադրբեջանական հակամարտությունը

Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---