Չավուշօղլու. ԱԶԿ-ն չի պնդում, որ Թուրքիայում անցում կատարվի նախագահական կառավարման համակարգին22 սեպտեմբերի 2015 - 15:55 AMT PanARMENIAN.Net - Թուրքիայում իշխող Արդարության և զարգացման կուսակցությունը (ԱԶԿ) չի պնդում, որ անցում կատարվի նախագահական կառավարման ձևին, հայտարարել է կուսակցության փոխնախագահ, Թուրքիայի ԱԳ նախկին նախարար Մևլութ Չավուշօղլուն: Խորհրդարանականից նախագահական կառավարման անցնելու օգտին է հանդես գալիս երկրի նախագահ Ռեջեփ Թայիփ Էրդողանը: Ընդդիմադիր կուսակցությունները դեմ են նախագահական համակարգին` մեղադրելով Էրդողանին բռնատիրական ձգտումների մեջ: «Մեր շարքերում կան մարդիկ, որ հավատում են նախագահական համակարգին, կան այնպիսինները, որոնք կարծում են, որ պետք է ամրապնդել գոյություն ունեցող խորհրդարանական համակարգը: ԱԶԿ-ն չի պնդում այդ տարբերակներից ոչ մեկի դեպքում: Ցավոք, մենք լիարժեք բանավեճ չենք վարում նախագահական համակարգի մասին: Այդ հարցը պետք է քննարկել»,-ասել է Չավուշօղլուն լրագրողներին, հայտնում է ՌԻԱ Նովոստին: Հունիսին կայացած խորհրդարանական ընտրություններում ԱԶԿ-ն չստացավ անհրաժեշտ քանակի տեղեր Սահմանադրության մեջ ուղղումներ կատարելու և կառավարման համակարգը երկրում փոխելու համար: Հունիսի 7-ին Թուրքիայում խորհրդարանական ընտրություններ տեղի ունեցան, որին մասնակցեց 20 կուսակցություն: Ընտրությանը մասնակցել է 53 մլն ընտրող:Ընտրության արդյունքների հրապարակումից հետո 45 օրվա ընթացքում երկրում պետք է կառավարություն ձևավորվեր: Սակայն իշխող «Արդարություն և զարգացում» կուսակցությունը բացարձակ մեծամասնություն կազմել չի կարողացել և ստիպված է կոալիցիոն կառավարություն ձևավորել։ Թուրքիայի նախագահ Ռեջեփ Թայիփ Էրդողանը հուլիսի 9-ին ԱԶԿ առաջնորդ, վարչապետ Ահմեդ Դավութօղլուին հանձնարարեց կառավարություն ձևավորել: Վարչապետը կոալիցիոն բանակցություններ վարեց մյուս 3 խորհրդարանական կուսակցությունների հետ: Սակայն 45 օրվա ընթացքում կառավարություն չհաջողվեց ձևավորել: Այս ընտրություններում գլխավոր գերխնդիրը նախագահ Ռեջեփ Թայիփ Էրդողանինն էր. «նրա» կուսակցութունը՝ «Արդարություն և զարգացում»-ը ծրագրում էր ստանալ ձայների մեծամասնությունը, հետևաբար նոր Սահմանադրություն մշակելու հնարավորություն: Նոր Սահմանադրությունը փոխելու է երկրի կառավարման համակարգը՝ ընդլայնելով նախագահի լիազորությունները, ինչին դեմ են ընդդիմադիր ուժերը: Անցումը նախագահական համակարգին պաշտպանում է վարչապետ Ահմեդ Դավութօղլուն, թեև նա այդքան կարծր դիրքորոշում չունի այս հարցում, որքան Էրդողանը: Թուրքիայի արտահերթ խորհրդարանական ընտրությունները կկայանան նոյեմբերի 1-ին: Օգոստոսի 17-ին Թուրքիայի իշխող Արդարության և զարգացման կուսակցությունը չկարողացավ կոալիցիայի ստեղծման շուրջ համաձայնության հասնել Ազգայնական շարժման կուսակցության հետ, ինչն անհրաժեշտ էր կառավարության ձևավորման համար: Երկրի վարչապետ Ահմեդ Դավութօղլուն կառավարության ձևավորման մանդատը վերադարձրեց նախագահ Էրդողանին: «Ազգայնական շարժում» կուսակցության առաջնորդ Դևլեթ Բահչելիի հետ կոալիցիա կազմելու վերաբերյալ բանակցություններից հետո Դավութօղլուն հայտարարեց, որ մեկ առ մեկ քննարկել են Բահչելիի առաջարկած 4 տարբերակներն ու եկել են եզրահանգման, որ կոալիցիա ստեղծելու հավանականություն չկա: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մեծ Բրիտանիայում ՀՀ ռազմական կցորդի հաստիք է սահմանվել Փաշինյանը որոշում է ստորագրել ԱՄՆ Պետդեպ․ Չենք տեսել մի փաստ, որ ՌԴ ԶՈւ–ն նպաստի խաղաղությանը Հվ․ Կովկասում, որի վառ օրինակն են 2023–ի աշնան իրադարձությունները ԼՂ–ում Նա հիշեցրել է, որ ԱՄՆ–ն չի եղել եռակողմ համաձայնության անդամ ՔՊ պատգամավորի հետ միջադեպի գործով ձերբակալված Վարդանյանը տնյաին կալանքի տակ կլինի Նրա նկատմամբ որոշվել է կիրառել նաև 7 միլիոն դրամ գրավ Մինչև 1% cashback Wildberries-ում` IDBank-ի քարտով վճարելիս Մեկ ամսվա ընթացքում առավելագույն քեշբեքի սահմանաչափը 5 000 դրամ է |