Աննա Մելիքյանի ֆիլմը կներկայացվի «Կինո Էքսպո 2015» միջազգային համաժողովում29 սեպտեմբերի 2015 - 13:51 AMT PanARMENIAN.Net - Սեպտեմբերի 29-ին Սանկտ Պետերբուրգում մեկնարկել է Միջազգային մասնագիտական համաժողովն ու կինոինդուստրիայի «Կինո Էքսպո 2015» ցուցահանդեսը: Ինչպես հայտնում է «Նովոստի Արմենիան», միջոցառման ընթացքում կներկայացվի «Սիրո մասին» Աննա Մելիքյանի ֆիլմը: Համաժողովի հատուկ ծրագիրն այս տարի նվիրված է ռուսական կինոյին, ավելի ճիշտ` այն ֆիլմերին, որոնք կցուցադրվեն կինոթատրոններում 2015-ի ավարտին և 2016-ի սկզբում: «Կինո Էքսպոյի» գործարար ծրագրի շրջանակում կքննարկվեն կինոինդուստրիայի զարգացումը, ցանցահենային կոնտենտի դեմ պայքարի միջոցները և ոլորտի այլ խնդիրներ: Հատուկ միջոցառում կլինի կլոր սեղանը` նվիրված ՌԴ և Չինաստանի գործակցությանը կինոնախագծերի արտադրության և ցուցադրության ոլորտում: Աննա Մելիքյանի «Սիրո մասին» ֆիլմն արժանացել է Ռուսաստանի «Կինոտավր-2015» 26-րդ բաց փառատոնի գլխավոր մրցանակին: Ֆիլմը ստացել է նաև կինոքննադատների ժյուրիի մրցանակը: «Սիրո մասին» ֆիլմը սիրո թեմայով միավորված նովելների հավաքածու է: Ֆիլմում նկարահանվել են Ռենատա Լիտվինովան, Եվգենի Ցիգանովը, Վլադիմիր Մաշկովը, Յուլիա Սնիգիրը, Ռավշանա Կուրկովան, Մարիա Շալաևան, Ալեքսանդր Բորտիվը և այլոք: Կներկայացվեն նաև Ժոռա Կռիժովնիկովի «Լավագույն օրը», «Ալեքսեյ Պետրուխինի «Դասատուն» և Պյոտր Բուսլովի «Հայրենիքը»: Աննա Մելիքյանը խոստումնալից երիտասարդ ռեժիսոր է: Ամերիկյան Variety ամսագիրը նրան ընդգրկել է աշխարհի ամենահեռանկարային ռեժիսորների տասնյակում: Կուրսայիններից հետո նրա առաջին լիամետրաժ ֆիլմի՝ «Մարսի» պրեմիերան տեղի ունեցավ 2004թ. Բեռլինի կինոփառատոնում, իսկ երկրորդը՝ «Ջրահարսը» 2008-ին Օսկարի էր հավակնում Ռուսաստանից: Ռուսաստանի «Կինոտավր» 25-րդ բաց փառատոնում Մելիքյանն արժանացել էր լավագույն ռեժիսուրայի համար մրցանակին «Աստղ» ֆիլմի համար: Աննա Մելիքյանի ներկայացրած մյուս ֆիլմը` «Սիրո մասին-2», կարճամետրաժների մրցութային ծրագրում դիպլոմի էր արժանցել: «Աստղը» ֆիլմը երկար ժամանակ հույժ գաղտնի էր պահվում: Կինոնկարի գլխավոր հերոսները երեքն են՝ տասնհինգամյա ներփակված Կոստյան, որը հարուստ ընտանիքից է, նրա խորթ մայրը՝ Ռիտան, և ոչ այնքան տաղանդավոր սկսնակ դերասանուհի Մաշան: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |