«Շիրակ»-ի և շվեդական ֆուտբոլային ակումբի միջև «սրբիչային սկանդալը» կքննվի Ստոկհոլմի կենտրոնական դատարանում 8 հոկտեմբերի 2015 - 17:12 AMT PanARMENIAN.Net - Գյումրիի «Շիրակ» ֆուտբոլային ակումբի՝ շվեդական «ԱԻԿ» ֆուտբոլային ակումբի դեմ առաջին դատական նիստը նշանակված է հունվարի 18-ին, այն կքննվի Ստոկհոլմի կենտրոնական դատարանում: Այս մասին հայտնել է ֆուտբոլային ակումբի քարտուղար Աննա Թադևոսյանը: «Շիրակ» ֆուտբոլային ակումբը դատի էր տվել շվեդական «ԱԻԿ»-ին՝ ակումբի անունը արատավորելու, շիրակցի ֆուտբոլիստներին ակնհայտորեն զրպարտելու, սրբիչի գող հռչակելու համար: Հիշեցնենք, որ «Շիրակ» ֆուտբոլային ակումբը Ստոկհոլմում Եվրոպայի լիգայի որակավորման երկրորդ փուլի խաղից առաջ տհաճ պատմության մեջ էր հայտնվել. «ԱԻԿ»-ի ադմինիստրատոր Օկե Անդերսոնը ամենայն հավանականությամբ հայ ֆուտբոլիստներին հոգեբանական ճնշման ենթարկելու ու այսպիսով նրանց պարտության մատնելու նպատակով՝ շվեդական լրատվամիջոցներին հայտնել էր, թե շիրակցիները հյուրերի հանդերձարանից գողացել են 17 սրբիչ: Վայրկյաններ անց շվեդական մամուլը հեղեղվել էր այս լուրով, որից հետո, սակայն, այդ նույն ադմինիստրատորը հերքել էր իր հայտարարությունը՝ նշելով, որ վստահ չէ, թե սրբիչները «Շիրակ»-ի ֆուտբոլիստներն են տարել: «Շիրակ» ֆուտբոլային ակումբի փաստաբան Մարկ Սաֆարյանն էլ դատարան հայց էր ներկայացրել «ԱԻԿ»-ի դեմ՝ պահանջելով պատասխանատվության ենթարկել վերջինիս «Շիրակ» ֆուտբոլային ակումբի անունը արատավորելու ու վարկաբեկելու համար: ՈՒԵՖԱ-ի Եվրոպա լիգայի 2015/2016 թթ. խաղարկության Որակավորման երկրորդ փուլի առաջին հանդիպումը հուլիսի 17-ին անցկացվել է Շվեդիայի մայրաքաղաք Ստոկհոլմի «Տելե 2 Արենա» մարզադաշտում։ «Շիրակ» - ԱԻԿ խաղն ավարտվել է «ԱԻԿ–ի» հաղթանակով` 2։0 հաշվով, խաղի ավարտին գյումրեցիները խաղում էին 8 ֆուտբոլիստով։ Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Կկրճատվի հիվանդությունների ցանկը, որով զորակոչի ենթակաները ոչ պիտանի են ճանաչվում Գիշերամիզությունը, թեթև մտավոր հետամնացությունը, կիստաները այլև բանակից ազատվելու հիմք չեն լինի Team-ը` CaseKey կրթական ակադեմիայի գործընկեր Վերապատրաստման ծրագրի ավարտին թիմերին կներկայացվի իրական բիզնես խնդիր, որը պետք է լուծել ՌԴ–ում կոմերցիոն կազմակերպություններն այլևս չեն կարողանա ռուսաց լեզվի քննություն անցկացնել միգրանտների համար Նոր պահանջը կգործի մայիսի 1–ից Մարուքյան. Համոզում էին, որ եթե ռուս խաղաղապահը դուրս գա ԼՂ-ից, սկանդինավյանը կգա՝ սպասում ենք «Այս ամենն ասողները թո՛ղ դուրս գան ու պահանջեն, որ սկանդինավյան խաղաղապահները գան Արցախ»,–գրել է նա |