«Ալյանս» ավիաընկերությունը կաշխատի ՀՀ-ում 2016-ից. Պլանավորում են թռիչքներ 3 ուղղությամբ 9 հոկտեմբերի 2015 - 13:38 AMT PanARMENIAN.Net - «Ալյանս» ավիաընկերությունը Հայաստանում կսկսի ավիափոխադրումներ իրականացնել 2016-ի մարտից: Այս մասին հոկտեմբերի 9-ին լրագրողներին հայտնել է ընկերության հիմնադիր և տնօրեն Արարատ Սարգսյանը։ «Լիզինգի գծով ձեռք են բերվել Sukhoi Superjet — 100 (SSJ-100) երկու ինքնաթիռ, որոնք գտնվում են մերձմոսկովյան Ժուկովսկում։ Մինչև 2017-ը նախատեսվում է պարկի թիվը հասցնել մինչև 6 ինքնաթիռի։ Ավիաընկերությունը ենթադրում է թռիչքները սկսել 2016-ի մարտի 27–ից», - ասել է Սարգսյանը, հաղորդում է «Sputnik-Արմենիա»-ն: Նրա խոսքով` ընկերության անձնակազմում արդեն 14 աշխատող կա, որոնք նախկինում (ինչպես նաև Սարգսյանը) աշխատել են «Արմավիա» ավիաընկերությունում։ «Ես երկու օր առաջ արտոնագիր եմ ստացել Քաղաքացիական ավիացիայի պետական վարչությունից (ՔԱՊՎ) և հիմա զբաղված եմ IKAO–ում անդամակցություն ձեռք բերելով` թռիչքները սկսելու հնարավորություն ունենալու համար», - հավելել է նա: Սարգսյանը նաև նշել, որ սկզբից ընկերությունը պլանավորում է ավիափոխադրումներ իրականացնել երեք ուղղությամբ` Երևան–Մոսկվա, Երևան–Բեյրութ, Երևան–Թեհրան։ Հետագայում ավիաընկերությունը մտադիր է երթուղիներ բացել նաև Ռուսաստանի այլ քաղաքներ և Աշգաբադ։ Նրա խոսքով` Superjet–ի սպասարկումն ավելի էժան կլինի, քան Aerobus–ի, որ թույլ կտա անցկացնել ավելի ճկուն գնային քաղաքականություն։ Սարգսյանի խոսքով` ընկերությունը բացվել է 2014-ին։ Նա չի անվանել ընկերության ներդրողներին` նշելով միայն, որ նրանք Ռուսաստանից են։ 2013-ին Հայաստանի կառավարությունը ավիափոխադրումների ոլորտի փուլային ազատականացման ռազմավարություն հաստատեց այն բանից հետո, երբ Հայաստանի ազգային ավիափոխադրող «Արմավիա» ընկերությունը որոշեց ապրիլի 1-ից թռիչքների դադարեցման և սնանկացման գործընթաց սկսելու մասին։ Տվյալ փաստաթուղթը նախատեսում է ոլորտում առնվազն 3 հայկական ավիաընկերության գործունեություն։ Ազատականացման ռազմավարությունը հաստատել է «ՀՀ-ում մրցունակ և շարունակական օդային փոխադրումների ծառայությունների մատուցման ապահովման ծրագիրը»: Խոսքն օդային փոխադրումների ազատականացման մասին է: Դրա հաստատմամբ ուղևորափոխադրումներ կարող են իրականացնել այն ընկերությունները, որոնք ցանկություն կունենան աշխատել մեր երկրում ու կհամապատասխանեն սահմանված չափանիշներին: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Լավրովը «լկտի» և «անպատկառ» է անվանել ԱՄՆ և ԵՄ գործողությունները, որոնք ուզում են «ՀՀ–ին պոկել Ռուսաստանից» Նա նաև ասել է, որ ՌԴ–ն ու ՀՀ–ն նախկինի պես դաշնակիցներ են Պետդեպն ապատեղեկատվություն է անվանել Բրյուսելում ՀՀ-ի հետ ռազմական փաստաթուղթ ստորագրելու մասին պնդումները Նշել է, որ անվտանգային հարցեր օրակարգում չեն եղել PROFAL ընկերությունն անակնկալ է մատուցել իր 30,000-րդ հաճախորդին Էդգար Ավետիսյանը նշել է՝ ընկերության հաջողությունների հիմքում նաև հաճախորդներն են Երևանում կբացվի քանդակագործ Մկրտիչ Մազմանյանի ցուցահանդեսը՝ նվիրված Ազնավուրին Բացման օրը տեղի կունենա նաև քանդակագործի աշխատանքներին ու ստեղծագործական կյանքին նվիրված գրքի շնորհանդեսը |