Աղբյուր․ ՈւԵՖԱ-ն կհետաքննի լուրը, թե ալբանացիները հայերին հաղթանակի դիմաց 2 մլն եվրո են վճարել [ֆոտոռեպորտաժ] 13 հոկտեմբերի 2015 - 23:13 AMT PanARMENIAN.Net - ՈւԵՖԱ-ն պատրաստվում է հետաքննել Հայաստան-Ալբանիա (0-3) հանդիպումից հետո տարածված լուրերը, թե ալբանացիները 500․000-ական եվրո են վճարել հայ 4 ֆուտբոլիստի խաղը հանձնելու և իրենց երկրի հավաքականին հաղթանակ ապահովելու համար։ Այդ մասին գրում է սերբական Kurir.rs պարբերականը։ Հոկտեմբերի 11-ին Երևանում կայացած Ալբանիայի դեմ խաղի առաջին երկու գոլը գրանցվել էին Կամո Հովհաննիսյանի ու Ռոբերտ Արզումանյանի ինքնագոլերից հետո։ Տեղեկությունը, թե ալբանական կողմը գնել է հայ ֆուտբոլիստներին, խաղից հետո սկսեցին տարածել ալբանական ու սերբական ԶԼՄ-ները։ Հայաստան-Սերբիա հանդիպումը Եվրո-2016-ի որակավորման փուլի I խմբի վերջին խաղն էր: Հայաստանի հավաքականի դեմ հաղթանակից հետո Ալբանիայի հավաքականը վաստակեց 14 միավոր և, շրջանցելով Դանիային, զբաղեցրեց 2-րդ հորիզոնականը՝ Եվրոպայի առաջնության ուղեգիր նվաճելով: Եթե լուրը հաստատվեց, Ալբանիան կհեռացվի Եվրո 2016-ի մասնակիցների ցուցակից՝ իր տեղը զիջելով Դանիային։ Իր հերթին Հայաստանի ֆուտբոլի ֆեդերացիայի լրատվական բաժնի աշխատակիցն ասել է, որ լուրերի իսկության մասին հարցը կմեկնաբանի ՀՖՖ նախագահի խորհրդական Արայիկ Մանուկյանը, գրում է Zham.am-ը: Մի քանի րոպե խոսափողին չմոտենալուց հետո աշխատակիցն ասել է, թե «ֆեդերացիան, եթե նպատակահարմար գտնի, պաշտոնական հաղորդագրություն կտարածի»:
Ալբանացիները տոնում են իրենց օգտին առաջին գոլը
Ցուցատախտակը՝ հայերի երկու ինքնագոլից հետո
Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |