$128.5 մլն-ի վարկ՝ ՀՀ-ի սեյսմիկ անվտանգությանը և ոռոգման համակարգերի արդիականացմանը12 նոյեմբերի 2015 - 13:56 AMT PanARMENIAN.Net - ՀՀ կառավարությունը նոյեմբերի 12-ի նիստում հավանություն է տվել երկու վարկային ծրագրերի: Նախագծերը ներկայացրել է Ֆինանսների նախարար Գագիկ Խաչատրյանը: Առաջին նախագծով հաստատվել է Հայաստանի Հանրապետության և Ասիական զարգացման բանկի միջև 2015-ի հոկտեմբերի 19-ին ստորագրված «Սեյսմիկ անվտանգության բարելավման ծրագրի վարկային համաձայնագիրը»՝ $88,5 միլիոնի վարկի չափով: ՀՀ կառավարությունը հուլիսի 23-ի նիստում հաստատել է ՀՀ պետական հանրակրթականդպրոցների սեյսմիկ անվտանգության բարելավման 2015-2030-ի ծրագիրը: Այն ուղղված է ՀՀ տարածքի և Երևանի սեյսմիկ ռիսկի նվազեցմանը` բարելավելով 377 գերակա դպրոցի սեյսմիկ անվտանգությունը, որպեսզի նվազեցվեն դպրոցներում հնարավոր զոհերը և վնասները երկրաշարժերի ժամանակ: Կիրականացվեն ՀՀ տարածքի սեյսմիկ շրջանացման նոր քարտեզի կազմման, երկրի շինարարական նորմերի վերանայման և թարմացման, մասնագիտական վերապատրաստման և բնակչության իրազեկման աշխատանքներ: Գերակա համարվող 377 դպրոցի ուժեղացման կամ նորի կառուցման համար, նախնական գնահատականներով, պահանջվում է $617 մլն` ընդհանուր գնահատված արժեքով: Նախարարի խոսքով՝ ծրագրի նպատակն է նպաստել դպրոցների սեյսմիկ ուժեղացմանն ու վերականգնմանը: «Ծրագրի նպատակներից է դպրոցների շենքերի սեյսմակայունության բարձրացում, սեյսմիկ աղետի պատրաստվածության ու արձագանքման կարողությունների հզորացում», - ասել է նախարարը, մեջբերում է Tert.am-ը: Անդրադառնալով վարկի պայմաններին՝ նախարարը նկատել է, որ մարման ժամկետը 25 տարի է, որից արտոնյալ է 5 տարին, տոկոսադրույքը կազմում է 2%: Մյուս վարկային ծրագրով հաստատվել է Հայաստանի Հանրապետության և Եվրասիական զարգացման բանկի միջև «Ոռոգման համակարգերի արդիականացում» ծրագրի ֆինանսավորման համար «Եվրասիական տնտեսական ընկերակցության հակաճգնաժամային հիմնադրամի միջոցներից ներդրումային վարկի տրամադրման մասին» համաձայնագիրը: Համաձայն այս համաձայնագրի՝ Եվրասիական զարգացման բանկը ՀՀ-ին կտրամադրի $40 միլիոնի վարկ՝ ոռոգման համակարգերիր զարգացում ծրագրի ֆինանսավորման համար. «Ծրագրի հիմնական նպատակն է ՀՀ տարածքում ոռոգման համակարգերի արդիականացումը և ջրօգտագործողների միավորումների ֆունկցիոնալ կարողությունների զարգացումը: Ծրագրի շրջանակներում նախատեսվում է բարձրացնել ոռոգման համակարգերի արդյունավետությունը, մեծացնել ոռոգվող հողերի մակերեսը», - ասել է Խաչատրյանը: Այս վարկի մարման ժամկետը 20 տարի է, որից արտոնյալ է 10 տարին, տոկոսադրույքը՝ 2%: Նշված ծրագրի շրջանակում նախատեսվում է ընտրված համայնքներում ոռոգման ջրանցքների վերանորոգում, մեխանիկական ոռոգման փոխարինում ինքնահոսով, ջրօգտագործողների միավորումների ինստիտուցիոնալ կարողությունների զարգացում: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |