ՀՀ մարզերում անասնաբուժական 20 կենտրոն կհիմնվի 24 նոյեմբերի 2015 - 18:36 AMT PanARMENIAN.Net - Գեղարքունիքի մարզի Ճամբարակ քաղաքում շուտով կբացվի անասնաբուժական կենտրոն, որը տարածաշրջանի գյուղերի ֆերմերներային տնտեսություններին կմատուցի անասնաբուժական ծառայություն, կապահովվի դեղամիջոցներով, վերապատրաստումներ կկազմակերպի: Շենքն ամբողջությամբ պատրաստ է, մասնագետները պատրաստ են սպասարկել: Ծրագիրն իրականացնում է ՀՀ գյուղատնտեսության նախարարության գյուղատնտեսական ծրագրերի իրականացման գրասենյակը: ԳԾԻԳ տնօրեն Գագիկ Խաչատրյանը տեղեկացրել է, որ կենտրոնների հիմնումը իրականացվում է «Համայնքների գյուղատնտեսական ռեսուրսների կառավարման եւ մրցունակության ծրագրով» (CARMAC) ծրագրի շրջանակներում, որը ֆինանսավորվում է Համաշախարհային բանկի կողմից: Մինչև 2020-ը հանրապետության 10 մարզում կգործի նման 20 կենտրոն, որոնց մի մասն արդեն գործում են կամ նախագծված են, գրում է Armtimes.com-ը: Միջազգային CARD ծրագրով Հայաստանում ստեղծվել են մի քանի անասնաբուժական կենտրոններ, իսկ Համաշխարհային բանկը այդ կենտրոնների թիվը ավելացնում է: Արդեն նման անասնաբուժական կենտրոններ են գործում Սյունիքի մարզի Խնձորեսկ համայնքում, Արագածոտնի մարզի Արտաշավան գյուղում, որից օգտվում են Ապարանի, Արագածի և Աշտարակի ֆերմերային տնտեսությունները: Տավուշի մարզի Բերդ քաղաքու կառուցվելիք կենտրոնի նախագծային աշխատանքներն ավարտվել են: Նախատեսված է նման կենտրոն հիմնել նաև Լոռու մարզի Մեծ Պարնի գյուղում: Գագիկ Խաչատրյաի խոսքով՝ այս կենտրոնները մեծ առավելություն ունեն: Կենտրոններում աշխատում են հատուկ վերապատրաստում անցած անասնաբույժներ, որոնց հետ ուսուցում են իրականացրել արտասահմանից հրավիրված և տեղական մասնագետներ: Ուսուցումն իրականացվել է CARD Ագրոբիզնեսի զարգացման կենտրոնի միջոցով:  Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց  Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ»Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նաՌուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտումՎենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ |
