Ֆրանսիան հնարավոր է համարում, որ Ասադը ժամանակավորապես պահպանի պաշտոնը 5 դեկտեմբերի 2015 - 13:59 AMT PanARMENIAN.Net - Ֆրանսիայի ԱԳ նախարար Լորան Ֆաբիուսը հայտարարել է, որ հնարավոր է համարում, որ Սիրիայի նախագահ Բաշար Ասադը շարունակի պաշտոնավարել մինչև Սիրիայի ժամանակավոր կառավարության ձևավորումը, հայտնում է ՌԻԱ Նովոստին: «Սիրիայի միասնությունը ենթադրում է անցումային իշխանություն: Դա չի նշանակում, որ Ասադը պետք է հեռանա մինչ անցումային կառավարության ձևավորումը»,-մեջբերել է «Ֆրանս պրեսը» Ֆաբիուսի հայտարարությունը: Ավելի վաղ նախարարը նշել էր, որ Վիեննայում Սիրիայի գծով հանդիպմանը պայմանավորվածություն է ձեռք բերվել հրադարարի անհրաժեշտության և այն մասին, որ հարկավոր է շարժվել սահմանադրության փոփոխության և ընտրությունների անցկացման ճանապարհով: Ֆաբիուսը նշել էր, որ բանակցությունների մասնակիցները չեն կարողացել փոխզիջման գալ Սիրիայի նախագահի ճակատագրի հարցում: Մինչդեռ Սիրիայի նախագահ Բաշար Ասադը բացառել է քաղաքական իշխանափոխության հնարավորությունը երկրում մինչ «ահաբեկչությանը հաղթելը»: Ինչպես հայտարարել է Ասադը իտալական Rai հեռուստաալիքին տված հարցազրույցում, «քաղաքական դաշտում ոչ մի բանի չի կարելի հասնել, քանի դեռ ահաբեկիչների տիրապետության տակ են Սիրիայի շրջաններից շատերը»: Ըստ նրա, ահաբեկիչներին հաղթելուց հետո ցանկացած իշխանափոխության համար բավական կլինի 1,5-2 տարի, լինի դա նոր սահմանադրության ընդունում, հանրաքվեի անցկացում, խորհրդարանի ընտրություններ կամ «ցանկացած այլ ընթացակարգ նախագահական կամ այլ մակարդակով»: Ըստ ԱՄՆ նախագահ Օբամայի, քաղաքացիական պատերազմը Սիրիայում չի ավարտվի, եթե Ասադը շարունակի կառավարել երկիրը, քանի որ նա չի կարող «վերադարձնել օրինականությունը»: Հղումներ թեմայով. Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |