Այսօր լրանում է Սպիտակի ավերիչ երկրաշարժի 18-րդ տարեդարձը

PanARMENIAN.Net - Այսօր լրանում է Սպիտակի ավերիչ երկրաշարժի 18-րդ տարեդարձը: 1988 թվականի դեկտեմբերի 7-ին տեղի ժամանակով ժամը 11:41-ին ուժգին երկրաշարժի հետեւանքով ավերվեցին մի քանի քաղաքներ եւ շուրջ 300 գյուղ: Զոհվեց շուրջ 25 հազար մարդ, 140 հազարը դարձան հաշմանդամներ, առանց տանիքի մնացին մեկ միլիոնից ավելին: Անսովոր ուժի ստորերկրյա ցնցումները 30 վայրկյանների ընթացքում ոչնչացրեցին Սպիտակը, որը երկրաշարժի կենտրոնում էր, ավերակների վերածեցին Լենինականը (Գյումրի), Ստեփանավանը, Կիրովականը (այժմ Վանաձոր): Երկրաշարժի գոտին ընդգրկեց շուրջ 30 հազար քառակուսի կիլոմետր տարածք, ստորերկրյա ցնցումները զգացվեցին Երեւանում եւ Թբիլիսիում: Ինչպես նշում են փորձագետները, էպիկենտրոնում այնքան էներգիա արտազատվեց, որ համարժեք էր Խիրոսիմայի վրա գցված տասը ատոմային ռումբերի պայթյունին:



Այսօր Հայաստանի նախագահ Ռոբերտ Քոչարյանը եւ պաշտոնատար այլ անձինք կայցելեն Գյումրի եւ ծաղկեպսակներ կդնեն երկրաշարժի զոհերի հուշահամալիրին:
 Ուշագրավ
Երկու երկրի միջև բեռնափոխադրումներն իրականացվում են անխափան
Դիտարկմանը, թե Սարգսյանը Բելգիայում խոսել է ՀՀ-ում խնդիրներից, ԼՂ հարցից, ներքաղաքական զարգացումներից՝ Մակունցը նշել է, որ ինքը դա մտահոգիչ չի համարում
ՍԴ ղեկավարը վարաչապետից ներողություն և հերքում է պահանջում
Նամակում նշվում է, որ հայկական կողմի աջակցությունը կորոնավիրուսի դեմ պայքարում իր ազդեցությունն է ունենում բարձր մակարդակում փոխադարձ վստահության վրա