Բնակարանամուտ Ուջանում` ՎիվաՍել-ՄՏՍ-ի և ‹‹Ֆուլեր տնաշինական կենտրոնի›› աջակցությամբ22 դեկտեմբերի 2015 - 11:26 AMT PanARMENIAN.Net - ՎիվաՍել-ՄՏՍ-ի գլխավոր տնօրեն Ռալֆ Յիրիկյանն ու Հայաստանի «Ֆուլեր տնաշինական կենտրոնի» նախագահ Աշոտ Եղիազարյանն այցելել են Արագածոտնի մարզի Ուջան գյուղ, ուր այս տարվա բնակարանաշինության ծրագրով Ավետիսյանների ընտանիքը ավարտել էր կիսակառույց տան շինարարությունը և բնակարանամուտ էր տոնում: Ավետիսյանների երեք զավակները մեծացել են ընտանիքի հոր՝ Սերոբի հայրական տան կիսանկուղային երկու փոքրիկ սենյակներում, առանց խոհանոցի ու սանհանգույցի: Չնայած Արցախյան պատերազմի տարիներին ստացած վերքերի, որոնք մինչ օրս իրենց զգացնել են տալիս, Սերոբը քարը քարին է դրել՝ փորձելով կառուցել իր տունը, իր երեխաների ապագան, սակայն չի կարողացել ավարտին հասցնել այն: «Ձմռան գալուստն այնքան մեծ բեռ էր ընտանիքիս ուսերին: Ցուրտ ու խոնավ պատերը կարծես պատիժ լինեին: Ամեն օր տեսնելով, որ իմ հասուն երեխաները չունեն տարրական կենցաղային պայմաններ, որ յուրաքանչյուրը պետք է ունենա, սիրտս ցավում էր: Հիմա անսահման երջանիկ եմ ու շնորհակալ այս օգնության համար, որի շնորհիվ ոչ մի ձմեռ այլևս սարսափելի չէ»,-ասել է Սերոբը: Բնակարանաշինության ծրագրով այս տարի ՎիվաՍել-ՄՏՍ-ի ֆինանսավորմամբ և ‹‹Ֆուլեր տնաշինական կենտրոնի›› իրականացմամբ, հանրապետության տասը մարզերի 18 համայնքներից 40 ընտանիք ձմեռը կդիմավորի ապահով տանիքի տակ, առանց քամուց սուլող պատուհանների ու խարխլված տանիքի քանդվելու սպառնալիքի: «Տուն կառուցելը գործի միայն մի մասն է, և այդ բեռը ՎիվաՍել-ՄՏՍ-ը պատրաստակամորեն վերցնում է իր վրա: Տան տերերին մնում է միայն այդ տունն իրենց ընտանիքի համար ամրոց դարձնել, պահպանել ընտանիքի ամրությունը, ջերմ մթնոլորտում մեծացնել երեխաներին: Չէ՞ որ տունը միայն ապրելու վայրը չէ. այն մարդու հոգեկան հանգստության, ապահովության և լիարժեքության զգացողության գրավականն է: Եթե մարդն իր տանն իրեն լավ զգա, նա երբեք չի մտածի երկիրը լքելու և օտարության մեջ բախտ որոնելու մասին»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, հայտնում է ընկերության մամուլի ծառայությունը: «Այս ընտանիքի հայրը ժամանակին կռվել ու պայքարել է հանուն մեր հայրենիքի սահմանների անսասանության, հանուն մեր երեխաների անվտանգության: Այսօր յուրաքնչյուրիս պարտքն է օգնել իրար: Միայն այդ դեպքում հնարավոր կլինի կառուցել ամուր տուն, միասնական համայնք ու ապահով հայրենիք»,-ասել է Հայաստանի «Ֆուլեր Տնաշինական Կենտրոնի» նախագահ Աշոտ Եղիազարյանը: 2015թ-ի բնակարանաշինության ծրագրի իրականացման համար ՎիվաՍել-ՄՏՍ-ը 100 մլն ՀՀ դրամի ներդրում է կատարել (2014թ.-ին` 55 մլն դրամ), իսկ Հայաստանի «Ֆուլեր Տնաշինական Կենտրոնն» իրականացնում է այն: Ծրագրի շնորհիվ 2007թ.-ից մինչև 2015թ.-ի ավարտը բարեկարգված կամ կիսակառույց տան շինարարությունն ավարտին հասցրած ընտանիքների թիվը կհասնի 93-ի: Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | Ըստ ՌԴ ԱԳՆ–ի՝ ԵՄ հետ առանց վիզայի ռեժիմը բացասաբար կազդի ՀՀ անվտանգության վրա Նշվել է, որ դա կնպաստի հեռանկար ունեցող երիտասարդների արտահոսքին Women in Business of Armenia կոնֆերանս՝ Visa-ի և EBRD-ի կազմակերպմամբ Պանելային քննարկմանը մասնակցել է նաև Evoca-ի Վարչության նախագահի տեղակալ Տաթևիկ Խաչատրյանը Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին Նա TED Talks ձևաչափով խոսել է «Նոր ղեկավարման ոճ: Թվային փոխակերպում» թեմայի շուրջ Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու |