Independent. Էրդողանի քաղաքականությունը տանում է դեպի Թուրքիայի փլուզում 5 փետրվարի 2016 - 14:14 AMT PanARMENIAN.Net - Թուրքիայի նախագահ Ռեջեփ Թայիփ Էրդողանը փլուզման եզրին է հասցնում Թուրքիան, գրում է The Independen-ը` հավելելով, որ ներքին առճակատման և հարևանների հետ լարված հարաբերությունների հետևանքով պարտվողի դերում է հայտնվում թուրք ժողովուրդը: Նշվում է, որ մինչև 2002 թ, երբ իշխանության եկավ Էրդողանի ղեկավարած Արդարության և զարգացման կուսակցությունը, Թուրքիան հետևում էր Քեմալ Աթաթուրքի պատգամին` «խաղաղ է տանը, խաղաղ է` սահմաններին»: Այն ժամանակ երկիրը ՆԱՏՕ-ի հարգված անդամ էր` ԵՄ-ին անդամակցելու հեռանկարով: ԱԶԿ-ն ներկայանում էր որպես արևմտյան, բարենորոգիչ, նոր ազատական և աշխարհիկ կուսակցություն, իսկ եվրոպացի քաղաքական գործիչները Թուրքիային համարում էին «աշխարհիկ և ժողովրդավարական երկրի ոգեշնչող օրինակ»: Սակայն, ԱԶԿ-ի իշխանության գալուն պես իրավիճակը երկրում փոխվեց: Աթաթուրքի պատգամին փոխարինեց «զրո խնդիրներ հարևանների» հետ հայեցակարգը, որի արդյունքում Թուրքիան փչացրեց հարաբերություններն իր բոլոր հարևանների հետ, գրում է թերթը: Նրան հաջողվեց նույնիսկ Ռուսաստանին վանել` խոցելով ռուսական կործանիչը Սիրիայի երկնքում: Բացի այդ, Էրդողանը քաղաքացիական պատերազմ հրահրեց քրդերի հետ, որը «սպառնում է փլուզել Աթաթուրքի և նրա կողմնակիցների ստեղծած Թուրքիան»: Թուրքիայի իշխանությունները պարետային ժամ են սահմանել քրդաբնակ մի շարք բնակավայրերում, մասնավորապես Դիարբեքիրի Սուր շրջանում, Շիրնակ գավառի Ջիզրե և Սիլոպի բնակավայրերում, Մարդինի որոշ հատվածներում, որտեղ շարունակվում են ուժայինների և գրոհայինների բախումները: Էրդողանը հետապնդում է այլախոհության ցանկացած դրսևորում, քննադատներին ու քաղաքական ընդդիմախոսներին դավաճաններ ու ահաբեկիչներ կոչելով, հայտնում է Gazeta.ru-ն: Ավելի վաղ Իրաքի վարչապետ Հայդեր ալ Աբադին հայտարարեց, որ Թուրքիան փորձում է վերստեղծել Օսմանյան կայսրությունը` հավակնելով հարևանների տարածքային ամբողջականությանը: The National Interest-ն ավելի վաղ գրել է, որ Թուրքիայի նախագահ Ռեջեփ Թայփ Էրդողանի և վարչապետ Ահմեդ Դավութօղլուի անհեռատես քաղաքականության հետևանքով Անկարայի խնդիրները հարևանների հետ հասան գագաթնակետին, ինչպես նաև ամրապնդվեցին ահաբեկիչների դիրքերը սահմաններին: Ավելի վաղ The New York Times-ը գրել էր, որ Թուրքիայի նախագահ Ռեջեփ Թայիփ Էրդողանը կրկին անցել է չափը, հիշատակելով իր ուղերձում հիտլերյան Գերմանիան, ինչը զարմանալի չէ, հաշվի առնելով նրա բռնատիրական առաջնորդի կեցվածքը, որը հակված է խախտելու մարդու իրավունքները, օրենքի գերակայությունը, խոսքի ազատությունն ու մյուս քաղաքական ազատությունները: Էրդողանը շատ հեռու է այն ժամանակներից, երբ նրան կարելի էր համարել մահմեդական մեծամասնության ժողովրդվարության հարգված առաջնորդ և հուսալի գործընկեր տարածաշրջանում, եզրակացրել է թերթը: Հղումներ թեմայով. Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մանկապարտեզներում երկարօրյա ծառայությունը կգործի անգամ 1 երեխայի համար Մանկապարտեզներում կան նաև կրթական լրացուցիչ վճարովի ծառայություններ Տաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակը Տոնոյան․ Եթե երկրի ղեկավարը կախիչների որակը զննելու ժամանակ ունի, թող նաև հրթիռները «զննելու» ժամանակ գտնի Ըստ նրա, զննության արդյունքներով հօդս են ցնդել հրթիռներին տրված «անորակ», «անպիտան» և «ժամկետանց» որակումները Կիպրոսի Ներկայացուցիչների պալատը հարգել է Հայոց ցեղասպանության զոհերի հիշատակը Կուլիասը նշել է, որ ապրիլի 24-ին ոգեկոչվում է Հայոց ցեղասպանության «սև տարելիցը» |