Սաուդյան Արաբիան հատուկ նշանակության ուժեր կուղարկի Սիրիա 9 փետրվարի 2016 - 11:39 AMT PanARMENIAN.Net - Սաուդյան Արաբիան պատրաստ է հատուկ նշանակության ուժեր ուղարկել Սիրիա, հայտարարել է թագավորության ԱԳ նախարար Ադել ալ Ջուբեյրը: Ավելի վաղ սաուդյան իշխանությունները խոսում էին Սիրիայում ցամաքային գործողությանն աջակցելու պատրաստակամության մասին: Ալ Ջուբեյրը հայտարարել է, որ քննարկվում է Սիրիայում հնարավոր ցամաքային գործողության հարցը, հայտնում է Reuters-ը: Ըստ նրա, Սաուդյան Արաբիան պատրաստ է ԻՊ դեմ պայքարի համար հատուկ նշանակության ուժեր գործուղել: «ԱՄՆ գլխավորած կոալիցիայի ցամաքային գործողությանը Սիրիայում մասնակցելու հարցը քննարկվում է: Եվ Սաուդյան Արաբիան պատրաստ է հատուկ նշանակության ուժեր գործուղել, եթե լինի այդպիսի գործողություն»,-ասել է նախարարը: Նա չի հստակեցրել, թե կոնկրետ որքան զինուժ կգործուղի Սաուդյան Արաբիան Սիրիա: Ալ Ջուբեյրն այս հայտարարությունն արել է ԱՄՆ պետքարտուղար Ջոն Քերիի հետ հանդիպումից հետո, որի գլխավոր թեման Սիրիայի և Եմենի հակամարտություններն էին: Փետրվարի 5-ին Սաուդյան Արաբիան հայտարարեց, թե պատրաստ է իր զորքերն ուղարկել Սիրիա ցամաքային գործողությանը մասնակցելու նպատակով` ԱՄՆ գլխավորած կոալիցիայի կազմում: Այսպիսի հայտարարություն արեց երկրի պաշտպանության փոխնախարար Ահմեդ Ասերին: Բրիտանական Guardian-ն իր աղբյուրների վրա հղումով հայտնել էր, որ Էր Ռիադը կարող է մի քանի հազար զինվորականների գործուղել Սիրիա` համակարգելով գործողությունները Թուրքիայի հետ: Սաուդյան Արաբիայի հայտարարությունը կոշտ արձագանք է ստացել Դամասկոսում: Փոխվարչապետը և Սիրիայի ԱԳ նախարար Վալիդ Մուալլեմը հայտարարել էր, որ օտարերկրացի ագրեսորները, որոնք կներխուժեն Սիրիայի տարածք, «տուն կվերադառնան դագաղներում»: «Ցանկացած ցամաքային ներխուժում Սիրիա առանց Սիրիայի կառավարության համաձայնության կդիտարկվի որպես ագրեսիա»,-հայտարարել է նախարարը: Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Ծանրամարտի 2027-ի աշխարհի առաջնությունը կանցկացվի Երևանում Սա աշխարհի առաջին առաջնությունն է օլիմպիական մարզաձևից, որը կանցկացվի Հայաստանում Լավրով․ Պուտինին զարմացրել էր Արցախն Ադրբեջանի մաս ճանաչելու Փաշինյանի որոշումը Լավրովը մանրամասներ է ներկայացրել ՌԴ ղեկավարության հետ Փաշինյանի շփումներից Խուզարկվում են ԱԺԲ գրասենյակներն ու անդամների տները մոտ 40 հասցեում Խուզարկել են Ժիրայր Սեֆիլյանի, Արա Պապյանի և այլոց տները Ստեփանյան․ Արցախից բռնի տեղահանվածներից մոտ 11,000–ն արտագաղթել է ՀՀ-ից Ըստ նրա, կան նաև այլ տվյալներ՝ 15,000 արտագաղթածի մասին |