Հունաստանի դեմարշը. Ավստրիայի ՆԳ նախարարին Աթենք այցելելու թույլտվություն չի տրվել26 փետրվարի 2016 - 17:47 AMT PanARMENIAN.Net - Հունաստանը բացասական պատասխան է տվել Ավստրիայի ներքին գործերի նախարար Յոհաննա Միքլ-Լյայթներին Աթենք այցելության հարցում, որի նպատակն էր միգրացիոն ճգնաժամի քննարկումը, հայտնում է ՌԻԱ Նովոստին Հունաստանում դիվանագիտական աղբյուրի վրա հղումով: Երբ Հունաստանը հետ կանչեց Վիեննայում իր դեսպանին խորհրդակցության համար, Ավստրիայի ՆԳ նախարարը մտադրություն հայտնեց այցելել Աթենք` պարզաբանելու համար Ավստրիայի կոշտ դիրքորոշումը փախստականների հարցում: «Հունական կողմը հասկացրել է, որ այցը չի կարող կայանալ այնքան ժամանակ, քանի դեռ կասեցված չեն Հունաստանի դեմ կիրառվող միջոցները»,-ասել է աղբյուրը: Սա Հունաստանի հերթական դեմարշն է Ավստրիայի դեմ: Փետրվարի 25-ին Հունաստանի ԱԳՆ-ն հետ կանչեց Վիեննայում իր դեսպանին խորհրդակցությունների համար, կապված Վիեննայի ոչ բարեկամական քայլերի հետ: Հունաստանի ԱԳՆ-ն փետրվարի 23-ին բողոք էր հայտնել Ավստրիային Վիեննայում կայացած Ավստրիայի և Արևմտյան Բալկանների երկրների ԱԳ և ՆԳ նախարարների փախստականների հարցերին նվիրված խորհրդաժողովին Հունաստանին չհրավիրելու համար: Ինչպես նշել էին ԱԳՆ-ում, դա տեղի է ունեցել ԵՄ գագաթնաժողովից անմիջապես հետո: Պետությունների ղեկավարների որոշումները չեն կարող փոխարինվել ոստիկանապետների հրահանգներով, ասել էին ԱԳՆ-ում: Ավելի վաղ «բալկանյան երթուղու» երկրները անցել էին փախստականների կողմից սահմանի հատման նոր ռեժիմի Հունաստանի և Մակեդոնիայի սահմաններին: Աֆղան փախստականների համար սահմանը փակ է, սիրիացիների և իրաքցիներին թույլ են տալիս հատել այն միայն անձնագրի կամ անձը հաստատող փաստաթղթի առկայությամբ: Որոշումը կայացվել էր ընդամենը 2 օր անց այն հավաստիացումներից, որ եվրոպական երկրները միակողմանի քայլեր չեն ձեռնարկի փախստականների հարցում: Սահմանը փակվելուց հետո Հունաստանի ոստիկանությունը հազարավոր փախստականների է ուղարկել Աթենք, որոնց թույլ չեն տվել մուտք գործել Եվրոպայի այլ երկրներ Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը Փաշինյանին քրեական պատասխանատվության ենթարկելու պահանջով հաղորդումը դատախազությունում է Հաղորդումը կազմել են փաստաբան Արա Զոհրաբյանը և պահեստազորի գնդապետ Հայկ Նահապետյանը Փաստաբան․ Սուրեն Պետրոսյանին մեղադրանք չի առաջադրվել՝ պետք է որ ազատ արձակվի Լրանում է Պետրոսյանի ձերբակալման 72 ժամը |