Մոգերինի. Անհրաժեշտ է ձեռնպահ մնալ բռնության աճից ղարաբաղյան հակամարտության գոտում 2 մարտի 2016 - 11:12 AMT PanARMENIAN.Net - Հարկավոր է ձեռնպահ մնալ ռազմատենչ հռետորաբանությունից և բռնության աճից ղարաբաղյան հակամարտության գոտում, քանի որ դա վնասում է խաղաղ կարգավորման գործընթացին: Այսպիսի հայտարարություն է արել Երևանում Եվրոպական միության արտաքին գործերի և անվտանգության քաղաքականության բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինին ՀՀ ԱԳ նախարար Էդվարդ Նալբանդյանի հետ համատեղ մամուլի ասուլիսում: Շեշտելով հակամարտության գոտում լարվածության նվազեցման անհրաժեշտությունը` Մոգերնին նշել է, որ ԵՄ-ն կողմ է միջադեպերի հետաքննության մեխանիզմի ստեղծմանը, հայտնելով նաև, որ ԵՄ-ն պատրաստ է աջակցել անձնական կապերի հաստատմանը մարդկանց միջև: Նա կարևորել է խաղաղ կարգավորումը միջազգային իրավունքի նորմերին համաձայն և Մադրիդյան սկզբունքների հիման վրա, ինչպես նաև բարձր մակարդակով երկխոսության շարունակwumy: Մոգերինին ասել է, որ ստատուս քվոն չի կարող պահպանվել, ճիշտ այնպես, ինչպես չի կարող լինել հակամարտության ռազմական լուծում, հայտնում է Armenia Today-ը: Մարտի 1-ին և լույս 2-ի գիշերը ղարաբաղա-ադրբեջանական հակամարտ զորքերի շփման գծում հակառակորդը, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 900 կրակոց: Փետրվարի 29-ին և լույս մարտի 1-ի գիշերը հակառակորդը, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է մոտ 900 կրակոց: Հանգստյան օրերին` փետրվարի 27-ին և 28-ին, շփման գծում հակառակորդը, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 1100 կրակոց: Մոգերինին հայտարարել է նաև, որ Եվրամիությունը քննարկում է Հայաստանին օգնություն ցուցաբերելու հարցը Սիրիայից փախստականների հոսքի հետ կապված: Ըստ նրա, այդ հարցը քննարկվել է Հայաստան իր այցի շրջանակում: «Եվրամիությունը դիտարկում է օգնություն տրամադրելու հնարավորությունը, մասնավորապես, թրաստային հիմնադրամների միջոցով, որոնք բացվել են այդ ճգնաժամի հանգուցալուծման նպատակով»,-ասել է նա, հայտնում է ԱՌԿԱ գործակալությունը: Հայաստանը մոտ 20 հազար սիրիացի փախստական է ընդունել` Հայաստանը հանդիսանում է բնակչության թվի հարաբերակցությամբ՝ սիրիացի փախստականներ ընդունած երրորդ պետությունը Եվրոպայում: Եվրոպական միության արտաքին գործերի և անվտանգության քաղաքականության բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինիի հետ հանդիպումների ընթացքում հանգամանալից քննարկվել են Հայաստան - Եվրոպական միություն համագործակցության զարգացմանն առնչվող բազմաթիվ հարցեր, անդրադարձ է եղել նոր իրավական հիմք ձևավորելու շուրջ բանակցությունների ընթացքին։ Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» Ադրբեջանում ևս մեկ լրագրող է ձերբակալվել Հոդվածն այն մասին էր, որ Ալիևը մասնակցում է օտարերկրյա դրամաշնորհների ապօրինի ստացմանը |