The Washington Post. ԿՀՎ-ն և թուրքական հետախուզությունը գաղտնի համակարգող կենտրոն են ստեղծել Սիրիայի սահմանին 7 մարտի 2016 - 14:08 AMT PanARMENIAN.Net - ԱՄՆ Կենտրոնական հետախուզական վարչությունը (ԿՀՎ) և թուրքական Ազգային հետախուզական կազմակերպությունը (ԱՀԿ) ստեղծել են գաղտնի համակարգող կենտրոն Սիրիայի հետ սահմանին: Այդ մասին ասվում է The Washington Post թերթի կայքում հրապարակված հոդածաում: «Թուրքիան խորացնում է գործակցությունը ԿՀՎ և ԱՄՆ այլ հետախուզական ծառայությունների հետ»,-գրում է պարբերականը: ԿՀՎ-ն և ԱԶԿ-ն ապահովում են գաղտնի համակարգող կենտրոնի աշխատանքը, որը գտնվում է սիրիական սահմանից ոչ հեռու»: Ինչպես նշում են ԱՄՆ հետախուզական ընկերակցության անդամները, հատուկ ծառայություններն օգտագործում են այդ կենտրոնը բացահայտելու համար պոտենցիալ ահաբեկիչներին Մերձավոր Արևելքից փախստականների շրջանում: Սակայն, ինչպես գրում է պարբերականը, «ԿՀՎ և ԱՀԿ գործընկերությունը դրանով չի սահմանափակվում»: «ԿՀՎ-ն իր դրոններն է ուղարկում Սիրիայի օդային տարածք թուրքական Ինջիրլիկ բազայից»,-փոխանցում է The Washington Post-ը զրուցակցի խոսքերը: Ըստ թերթի տվյալների, ԿՀՎ տնօրեն Ջոն Բրեննանը բազմիցս է այցելել Անկարա, այդ թվում ընթացիկ տարվա հունվարին` մասնակցելու համար հակաահաբեկչական գործողությունների քննարկմանը, հայտնում է ՏԱՍՍ-ը: Ավելի վաղ ԱՄՆ եվրոպական հրամանատարության ներկայացուցիչ և Եվրոպայում ՆԱՏՕ-ի ուժերի հրամանատար, գեներալ Ֆիլիպ Բրիդլավը հայտարարել էր, որ ԱՄՆ և Թուրքիայի հարաբերությունները ռազմական ոլորտում «շատ ամուր» են մնում, չնայած լարվածությանը Սիրիայի շուրջ իրավիճակի հարցում: Վաշինգտոնի և Անկարայի հարաբերություններում որոշակի լարվածություն է առաջացել այն պատճառով, որ ԱՄՆ-ն սատարում է քրդերին Սիրիայի հյուսիսում, քանի որ վստահ է, որ նրանք պայքարում են ԻՊ դեմ: Միևնույն ժամանակ Թուրքիան հրետակոծում է սիրիացի քրդերի դիրքերը` նրանց ահաբեկիչներ համարելով: Ընդ որում Վաշինգտոնում հայտարարում են, որ Թուրքիան «շարունակում է կարևոր գործընկեր մնալ ՆԱՏՕ-ի համար», սակայն, կոչ են անում դադարեցնել հրետակոծել այն կազմավորումներին, որոնք պայքարում են ԻՊ դեմ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |