ԶԼՄ-ներ. Իրաքյան Թազա քաղաքը քիմիական գրոհի է ենթարկվել ԻՊ կողմից12 մարտի 2016 - 10:57 AMT PanARMENIAN.Net - «Իսլամական պետություն» ահաբեկչական խմբավորման գրոհայինները կրկին գնդակոծել են Իրաքի Քիրքուկ գավառում գտնվող Թազա քաղաքը` կիրառելով թունավոր քիմիական նյութերով լցոնված հրթիռներ: Այդ մասին հայտնել է արաբական «Ալ Սումարիա» հեռուստաալիքը շիաների «Ալ հաիշիդ աշ շահաբի» աշխարհազորի պաշտոնական ներկայացուցիչ Ալի Ալ Հուսեյնիի վրա հղումով: «Թազայի հարավային մասը հարձակման է ենթարկվել ԻՊ կողմից, որի ժամանակ ահաբեկիչները Քասբ Ալ Բաշիրից երկու հրթիռ են արձակել, որոնք լցոնված են թունավոր նյութերով»,-մեջբերում է Ալ Հուսեյնին հեռուստաալիքը: Նա պահանջել է պաշտոնական իշխանություններից օգնել ապահովել հակաօդային պաշտպանությունը և կոչ է արել միավորել ուժերն ազատագրելու համար Ալ Բաշիրի և շրջակա գյուղերը: Իրաքի խորհրդարանի Մարդու իրավունքների կոմիտեի ղեկավար Արշադ ալ Սալհին հայտնել է Թազա քաղաքում երեխայի մահվան առաջին դեպքի մասին` քլորով թունավորվելու արդյունքում: Մարտի 10-ին մարդու իրավունքների բարձրագույն խորհուրդը հայտնել է 409 տուժածի մասին ահաբեկիչների քիմիական գրոհի արդյունքում: Թազայի բնակիչները միջին ու ծանր վերքեր են ստացել: Բոլորը ստացել են շնչուղիների վնասվածքներ, հայտնում է արաբական հեռուստաալիքը, հայտնում է ՌԻԱ Նովոստի գործակալությունը: Ավելի վաղ հայտնի դարձավ, որ «Իսլամական պետությունն» առանձին ստորաբաժանում է ստեղծել, որն ակտիվորեն զբաղվում է քիմիական զենքի մշակմամբ, հետազոտություններ և փորձեր է անցկացնում Իրաքի, Սիրիայի և այլ երկրների գիտնականների ներգրավմամբ: ԻՊ-ն գրավել է քիմիական զենքի արտադրության իրաքյան «Ալ Մուտանա» գործարանը, որտեղ Սադդամի ռեժիմը 1980-ականներին մեծ քանակությամբ թունավոր գազ էր արտադրում, այդ թվում զարին: Ըստ ԿՀՎ տվյալների, Պարսից ծոցում առաջին պատերազմից հետո 1991 թ. գործարանը դադարեցրեց քիմզենքի արտադրությունը, սակայն պահեստներում դեռ բավարար քանակով թունաքիմիկատներ են պահվում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Կիրակոսյանը՝ Հաագայում․ ՄԱԿ ԱԽ-ն ու Եվրոպական դատարանը երբևէ չեն վճռել, որ ՀՀ-ն օկուպացրել է ԼՂ-ն Նա ներկայացրել է առարկություններն Ադրբեջանի ներկայացրած պահանջների նկատմամբ Ապրիլի 28–ին մայրաքաղաքում փակ փողոցներ կլինեն․ «Երևանի մարաթոնն» է Նախատեսվում է, որ միջոցառմանը կմասնակցի մոտ 2000 վազորդ Հայաստան-Չեխիա ռազմատեխնիկական գործակցության մասով պայմանավորվածություններ կան ՊՆ էին այցելել չեխական ռազմարդյունաբերական ընկերությունների ներկայացուցիչներ Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ |