Քաղաքապետ. Գովազդային վահանակները պետք է տեղադրվեն սահմանված վայրում, ոչ թե որտեղ պատահի12 մարտի 2016 - 11:52 AMT PanARMENIAN.Net - Քաղաքապետ Տարոն Մարգարյանն աշխատանքային խորհրդակցություն է անցկացրել, որին ներկա են եղել աշխատակազմի արտաքին ձևավորման և գովազդի, առևտրի և սպասարկումների վարչությունների բոլոր աշխատակիցները, ինչպես նաև ոլորտների պատասխանատուները: Խորհրդակցության շրջանակում ներկայացվել է վարչությունների կատարած աշխատանքների 2015-ի հաշվետվությունը: Անդրադառնալով արտաքին ձևավորման և գովազդի վարչության գործառույթներին՝ քաղաքապետը նշել է. «Մենք պետք է նախ և առաջ ներկայացնենք ոլորտում կատարվող աշխատանքը, իրականացվող ծրագրերի մասին հաշվետու լինենք մեր համաքաղաքացիներին ու պարբերաբար ներկայացնենք արձանագրված թերացումները: Վարչությունն այս ուղղությամբ շատ անելիք ունի, և ակնկալում եմ, որ այսուհետ կլինեք ավելի նախաձեռնող»: Անդրադառնալով ոլորտում գրանցած ձեռքբերումներին՝ քաղաքապետը հատկանշել է մայրաքաղաքի կենտրոնում խոշոր գովազդային վահանակների ապամոնտաժման գործընթացն ու մասնավորի հետ ակտիվ գործակցությունը: «Մենք առիթ ունեցել ենք անդրադառնալու այն խնդրին, որ երբեմն առաջանում է մեր բնակիչների համար արտաքին գովազդի տարբեր վահանակների պատճառով: Մոտեցումն այստեղ հստակ է. գովազդի տեղադրման թույլտվություն ունենալը չի նշանակում, թե որտեղ ուզեն և ինչպես ուզեն, կարող են տեղադրել իրենց վահանակները: Ինչպես քաղաքապետարանի վարչությունը, այնպես էլ 12 վարչական շրջանի գովազդի բաժիններն այստեղ անելիք ունեն: Հետևեք, որ գովազդային վահանակները տեղադրվեն սահմանված վայրերում, ոչ թե որտեղ պատահի»,- ընդգծել է Մարգարյանը: Աշխատակազմի առևտրի և սպասարկումների վարչության գործառույթների հետ կապված ևս քաղաքապետը որոշ դիտարկումներ է ներկայացրել: «Առևտրի ոլորտում մի շարք ուղղություններով վարչությունն ունի շարունակական անելիքներ. առաջին հերթին պետք է հետևողական հսկողություն իրականացվի բացօթյա ապօրինի առևտրի կանխարգելման ուղղությամբ, ընդ որում, ինչպես արդեն առիթ ունեցել եմ ասելու, բացատրական աշխատանքներ տարեք բնակիչների հետ և ուղղորդեք նրանց դեպի առևտրի կազմակերպման համար նախատեսված տարածքներ: 2016-ին ակնկալում եմ թե՛ ձեր և թե՛ վարչական շրջանների առևտրի բաժինների սրտացավ ու հետևողական աշխատանքը»,- ասել է քաղաքապետը: Քաղաքապետն անդրադարձել է նաև գիշերային աղմուկի դեմ տարվող շարունակական պայքարին ու հանձնարարել է խախտում թույլ տվող օբյեկտների մասին բնակիչների կողմից ստացվող բողոք-դիմումների ուսումնասիրման և խնդրի լուծման հարցում լինել խիստ հետևողական: Բացի այդ, հանձնարարվել է նաև առևտրի վարչության այն գործառույթների շրջանակում, որոնց լիարժեք իրականացման հարցում կառաջանա անհրաժեշտություն, շարունակել ակտիվ համագործակցությունը ՀՀ ոստիկանության հետ: Ամփոփելով ներկայացված հաշվետվությունները և դրական գնահատելով վարչությունների 2015-ին իրականացրած աշխատանքները՝ քաղաքապետը հորդորել է հետևողականորեն շարունակել նախանշված բոլոր ծրագրերի իրականացումը: 2016-ի փետրվարին արտաքին ձևավորման և գովազդի վարչությունը գույքագրել է մայթերին տեղադրված և քաղաքացիների տեղաշարժը խոչընդոտող գովազդային վահանակները: Արդյունքում ապամոնտաժվել է թվով 16 գովազդային վահանակ, մյուսների մասով տրվել են համապատասխան հանձնարարականներ՝ դրանք այլ վայրեր տեղափոխելու համար: 2013-ին քաղաքում ապամոտաժվել է օրենսդրության պահանջներին հակասող ավելի քան 300 գովազդային պաստառ: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ Օվերչուկը՝ ԵԱՏՄ նիստին Փաշինյանի մասնակցության մասին․ Սպասում ենք ԵԱՏՄ հոբելյանական գագաթնաժողովը կայանալու է մայիսի 8–ին |