Սիրիական 9 բնակավայր միացել է հրադադարի մասին համաձայնագրին17 մարտի 2016 - 10:52 AMT PanARMENIAN.Net - Սիրիայի Համա գավառում 9 բնակավայր միացել է ազգային հաշտեցման և հրադադարի մասին համաձայնագրին: Այդ մասին հայտարարել է Համայում հաշտեցման խմբի պետ փոխգնդապետ Գերման Ռուդենկոն: «Միջոցառմանը ներկա են եղել ավագանու ներկայացուցիչներ, ցեղերի առաջնորդներ, որոնք ստորագրել են 9 բնակավայրերի հաշտեցմանը միանալու մասին համաձայնագիրը, որոնց բնակչության ընդհանուր թիվը հասնում է 10 հազարի»,-ասել է նա: Նա պարզաբանել է, որ ավագանիների ներկայացուցիչները պարտավորվել են աջակցել Սիրիայի կառավարությանը խաղաղ բանակցություններում, ինչպես նաև քարոզել, որ իրենց հայրենակիցները վայր դնեն զենքը: Ըստ նրա, բանակցությունների մասնակիցներից շատերը իշխանություններից ակնկալում են սոցիալական երաշխիքներ, քանի որ շատերը չունեն եկամուտ և բուժապահովում: Նա նշել է, որ հրադադարին միանալու մասին հայտեր է ստորագրել 38 բնակավայր, ևս 10 դիմում է ստացվել վերջին շաբաթվա ընթացքում, հայտնում է «Գազետա.ռու»-ն: Մարտի 14-ին ՌԴ նախագահ Վլադիմիր Պուտինը հրամայել է ՌԴ պաշտպանության նախարար Սերգեյ Շոյգուին մարտի 15-ից սկսել դուրս բերել Սիրիայից ռուսական ռազմական խմբավորման հիմնական մասը: Միաժամանակ ՌԴ նախագահը հանձնարարել է ՌԴ ԱԳ նախարար Սերգեյ Լավրովին ակտիվացնել ՌԴ մասնակցությունը Սիրիայում խաղաղ կարգավորման գործընթացի կազմակերպմանը: Զորքերը դուրս բերելու մասին Մոսկվայի որոշումը համաձայնեցված է Դամասկոսի հետ և հնարավոր դարձավ, քանի որ ռուսական զորամիավորումն արդեն կատարել է իր առջև դրած սկզբունքային խնդիրները: Այդ մասին Պուտինն ասել է Սիրիայի նախագահ Բաշար Ասադի հետ հեռախոսազրույցում: Ընթերցեք նաև. Բաշար Ասադի խորհրդականը չի բացառում ռուսական զորքերի վերադարձը Սիրիա Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |