Ինչի մասին էին PAN-ի շաբաթվա ամենահետաքրքիր հոդվածները

19 մարտի 2016 - 19:36 AMT

PanARMENIAN.Net - ԱԱՀ ու արևային էներգիայի մասին նոր որոշումների՝ հասարակ քաղաքացիների վրա ազդեցությունից և ՏՏ-ոլորտի թռիչքային վերելքից մինչև միջազգային աճուրդի տներում հայկական արվեստի նմուշներ և Սողոմոն Թեհլիրյանի կյանքի մասին 10 քիչ հայտնի փաստեր:

Առանձնացրել ենք ամենահետաքրքիր հոդվածները, որոնք PAN-ը գրել է անցած մի քանի օրվա ընթացքում:

ԱԺ ընդունած նոր օրենքի համաձայն, ֆիզիկական և իրավաբանական անձանց հնարավորություն կտրվի մինչև 150 կՎտ հզորության արևային կայաններ տեղադրել ու վաճառել ստացված էլեկտրաէներգիան ընդհանուր ցանցին: Պատմում ենք, ինչ կտա հասարակ քաղաքացուն արևային էներգետիկայի մասին նոր օրենքը

Ընդունվեց նաև ԵՏՄ-ից մեքենա ներմուծելու ժամանակ ֆիզանձանց ԱԱՀ-ի գանձումից ազատող փոփոխությունը: Պատմում ենք, ինչպես այն կազդի ավտոշուկայի վրա ու որքանով կարող են էժանանալ մեքենաները

Ձեռնարկությունների ինկուբատոր հիմնադրամը հրապարակել է«Հայաստանում տեղեկատվական եվ հեռահաղորդակցության տեխնոլոգիաների ոլորտի հետազոտություն» զեկույցը, որն ամփոփում է 2015 թվականին ՏՏ-ոլորտի գրանցված հիմնական ցուցանիշները: PAN-ը ներկայացնում է դրա կարևորագույն դրցագները՝ թվերով

Սիրիան մի քանի ուժային կենտրոնների ու նրանց արբանյակների բախման կիզակետ է, որտեղ «թշնամու թշնամին իմ բարեկամն է» սխեման միշտ չէ, որ աշխատում է: PAN-ը հնարավորինս պարզեցված ներկայացնում է՝ ով ում հետ միասին և ում դեմ է պատերազմում սիրիական պատերազմի կծիկում

Հայ արվեստի առանձին նմուշներ ոչ միայն ներկայացված են աշխարհի թանգարաններում, այլև արվեստասերների կողմից գնվում են Sotheby’s և Christie's հեղինակավոր աճուրդի տներում։ PAN-ը ներկայացնում է հայ արվեստի ու մշակույթի՝ աճուրդով վաճառված ուշագրավ նմուշները

Համացանցի հայկական հատվածում ոչինչ չեք գտնի ամենահայտնի հայերից մեկի մասին, եթե փնտրեք նրա իսկական անուն-ազգանունով, քանի որ Թեհլիրյան Սողոմոնի ազգանունը ժամանակի ընթացքում աղավաղվել է ու դարձել Թեհլերյան: Ներկայացնում ենք 10 անհայտ փաստ Սողոմոն Թեհլիրյանի մասին

«Այբի» լուսանկարչության խմբի աշակերտները, որը ղեկավարում է PAN Photo-ն, մեկ ամիս շարունակ լուսանկարել են իրենց դասընկերներին, ընթացքում նույն 3 հարցը տալով նրանց. եթե ժամանակի մեքենայով ճամփորդելու հնարավորություն ունենային, ո՞ւր կգնային և ինչո՞ւ, ինչպիսի՞ն են իրենց պատկերացնում 10 տարի անց ու ո՞րն է նրանց կյանքի ամենալավ օրը: Թե ինչ ստացվեց՝ դիտեք «Մենք ենք, մեր Այբը» ֆոտոնախագծում

1962 թվականին Երվանդ Քոչարն ավարեց «Պատերազմի արհավիրքը» ` սովետական ժամանակաշրջանին բռնության, պատերազմի ու ցեղասպանության դեմ բացառիկ մի ճիչ: Պատմում ենք, ինչպես է մեծանուն նկարիչն ստեղծել մասշտաբային կտավը

2016-ի գարունը խոստանում է ոչ պակաս հետաքրքիր հեռուստանախագծերի մեծ առատություն` դրանք և երկար սպասված շարունակություններն են, և հետաքրքրական նորույթները: Ներկայացնում ենք 10 ժանրային սերիալ, որոնք կարելի է և պետք է դիտել այս գարնանը