Ղրղզստանը դիմել է ՀԱՊԿ-ին Ուզբեկստանի հետ սահմանային վեճը հանգուցալուծելու համար22 մարտի 2016 - 12:53 AMT PanARMENIAN.Net - Պաշտոնական Բիշքեկը դիմել է ՀԱՊԿ-ին հանգուցալուծելու համար վեճը Ուզբեկստանի հետ սահմանին: Այդ մասին հայտարարել է Ղրղզստանի վարչապետ Տեմիր Սարիևը: Իրավիճակը երկու երկրների սահմանին սրվեց մարտի 18-ին, երբ ուզբեկական կողմը մոտ 40 զինծառայող և զրահատեխնիկա տեղակայեց ղրղզա-ուզբեկական սահմանի վիճելի հատվածում` Ջալալաբադի շրջանի Չալասարտ տարածքում: Ուզբեկները նաև անցակետ են տեղադրել Քերբեն-Ալա Բուկա հատվածում: Ի պատասխան Ղրղզստանը ուժեղացրեց իր ներկայությունը սահմանին: Ղրղզական կողմը պնդում է, որ Ուզբեկստանը դուրս բերի զրահատեխնիկան և զինծառայողներին վիճելի տարածքից: Ուզբեկստանի պետական սահմանի պաշտպանության կոմիտեն պնդում է, որ «ամբողջ նշված տեխնիկան գտնվում է Ուզբեկստանի տարածքում, իսկ պետական սահմանի հատվածների պաշտպանությունն իրականացվում է ըստ երկկողմ պայմանավորվածությունների, առանց մտնելու չնկարագրված հատվածներ»: «Մենք դիմել ենք ՀԱՊԿ-ին և խորհրդակցում ենք կազմակերպության հետ: Չսահմանազատված հատվածները պետք է հաստատվեն ըստ միջազգային չափանիշների, և ոչ ոք չպետք է խախտի այդ պահանջը»,-ասել է Սարիևը: Նա նշել է, որ Ղրղզստանը պատրաստ է երկխոսության հարևան երկրների հետ հավասար պայմաններով: «Մեզանից այսօր պահանջվում է մեկ բան` հավաստի տեղեկատվություն տրամադրել: Սակայն, պետք է հասկանալ, որ պետական հարցերում կան բաներ, որոնց մասին չենք կարող խոսել: Մենք ունենք բոլոր անհրաժեշտ փաստաթղթերը խաղաղ ճանապարհով բոլոր սահմանային հարցերը լուծելու համար»,-ասել է նա: Ղրղզստանի և Ուզբեկստանի պետական սահմանի երկարությունը 1,3 հազար կմ է, գործում է միայն մեկ անցակետ` «Ղըզըլ Կիյ», որը նախատեսված է ուզբեկական Սոխ և Շահիմարդին անկլավների բնակիչների համար: Նախօրեին հաջողվել է մի փոքր նվազեցնել լարվածությունը` նվազեցնելով զինվորականների քանակը երկու կողմից: ԽՍՀՄ փլուզումից հետո ղրղզա-ուզբեկական պետսահմանի ամբողջ երկարության գրեթե մեկ քառորդը սահմանազատված չէ, ինչը մշտական բախումների պատճառ է հանդիսանում սահմանին: Վերջին 3 տարում տեղի է ունեցել մի քանի տասնյակ սահմանային միջադեպ զենքի կիրառմամբ: Երբ Ղրղզստանը 2015-ին անդամակցեց ԵՏՄ-ին, այդ երկրի պետական սահմանը դարձավ ԵՏՄ հարավային սահման: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |