Ջրային տնտեսության պետկոմիտե. 2017-ին ջրի սակագնի բարձրացում չի ակնկալվում22 մարտի 2016 - 17:46 AMT PanARMENIAN.Net - 2017-ի հունվարի 1-ից ջրի սակագնի բարձրացում Հայաստանում չի ակնկալվում: Այդ մասին լրագրողների հետ զրույցում հայտարարել է ՀՀ գյուղնախարարության ջրային տնտեսության պետական կոմիտեի նախագահի տեղակալ Վոլոդյա Նարիմանյանը: 2016-ի հունվարի 15-ին Հայաստանը հայտարարեց ջրամատակարարման ոլորտում միասնական օպերատորի ընտրության մրցույթ անցկացնելու մասին: Ակնկալվում է, որ մրցույթի արդյունքները կամփոփվեն ամռանը, իսկ 15 տարվա լիցենզիա ստացած նոր օպերատորը կստանձնի կառավարումը 2017-ի հունվարի 1-ից: Նախապատվությունը կտրվի այն ընկերությանը, որը կառաջարկի ամենացածր միասնական սակագինը ջրի համար: Ընդ որում գործող սակագինը Երևանում 170,256 դրամ է 1 խմ համար: «Հավակնորդների թվում են ֆրանսիական Saur և Veolie Generale des Eaux ընկերությունները, հայ-գերմանական «Էյ-Ի-Ջի սերվիս» ընկերությունը, ինչպես նաև իտալական «Ակսելը»,-ասել է Նարիմանյանը: Նա հավելել է, որ այդ ընկերությունները ջրամատակարարման ոլորտում աշխատելու հաջող փորձ ունեն: Նախնական փուլում հաղթած ընկերություններից 3-ն արդեն ներկայացված են հայկական շուկայում, մասնավորապես ֆրանսիական «Սաուր» ընկերությունը կառավարում է «Հայջրմուղկոյուղի» ՓԲԸ-ն, որը սպասարկում է ՀՀ 7 մարզ, «Veolie Generale des Eaux» -ը, որը «Երևան Ջուր» ընկերության կառավարիչն է և համակարգում է Երևանի և մերձակա տարածքների ջրամատակարարումը: Հայաստանում ներկայացած է նաև հայկական «Էյ- Ի-Ջի Սերվիս» և գերմանական Dekon International GmbH, Consulacqua Hamburg Beratungsgesellschaft GmbH և Aufbereitungs und Entsorgungs GmbH ընկերությունների կոնսորցիումը, որը կառավարում է ջրամատակարարման համակարգերն Արմավիրի, Շիրակի և Լոռու մարզերում: «Միասնական օպերատորի հետ աշխատանքն ավելի նախընտրելի է ոլորտի ռազմավարության իրականացման տեսակետից: Սակագնից բացի, ընտրության չափանիշներ կլինեն նաև ներդրումների ծավալն ու սոցիալական ծրագրերը»,-ասել է Նարիմանյանը, հայտնում է ԱՌԿԱ գործակալությունը: Նա նաև տեղեկանք է ներկայացրել ՀՀ ջրային ռեսուրսների մասին: Հայաստանում տարեկան 17,6 մլրդ խմ տեղում է լինում, որից 11,5 մլրդն գոլորշիանում է: Ստորգետնյա ռեսուրսները հասնում են 4 մլրդ խմ: Հղումներ թեմայով. Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ |