Հորդանանը մտադիր է բանակցություններ սկսել ԵՏՄ հետ ազատ առևտրի գոտու մասին28 մարտի 2016 - 16:43 AMT PanARMENIAN.Net - Հորդանանը մտադիր է դիմել Եվրասիական տնտեսական հանձնաժողովին` նպատակ ունենալով բանակցություններ սկսել ԵՏՄ հետ ազատ առևտրի վերաբերյալ համաձայնագրի շուրջ: Այդ մասին ասվում է Ռուս-հորդանանյան առևտրատնտեսական և գիտատեխնիկական համագործակցության զարգացման միջկառավարական հանձնաժողովի երրորդ նիստի արձանագրության մեջ: Ռուսական կողմը հայտնել է, որ դիմումը ստանալուն պես կստեղծվի համատեղ հետազոտական խումբ, որը կուսումնասիրի վերոնշյալ համաձայնագրի կնքման նպատակահարմարությունը: Խումբը կազմված կլինի հորդանանցի փորձագետներից և ԵՏՄ անդամ երկրների մասնագետներից: Ռուսաստանը կսատարի Հորդանանի հայտին, ասվում է արձանագրության մեջ: Փաստաթղթում ասվում է նաև, որ ռուսական կողմը պարզաբանել է, որ Հորդանանը ընդգրկված է այն զարգացող երկրների ցանկում, որոնք օգտվում են ԵՏՄ հետ կապերում արտոնությունների համակարգից, հայտնում է ՏԱՍՍ-ը: Դեռ 2015-ին ՌԴ տնտեսական զարգացման նախարար Ալեքսեյ Ուլյուկաևը հայտարարել է, որ ավելի քան 40 երկիր, այդ թվում Չինաստանը, ցանկություն է հայտնել ԱԱԳ ստեղծել ԵՏՄ հետ: Դա հաստատեց նաև ՌԴ վարչապետ Դմիտրի Մեդվեդևը: «Ընդհանուր առմամբ ԵՏՄ հետ համագործակցության հարցով հետաքրքրվում է արդեն մոտ 40 երկիր, բոլորի հետ բանակցություններ են ընթանում համագործակցության տարբեր հարթակներ ստեղծելու ուղղությամբ` ներառյալ առևտրի տնտեսական գոտիները»,-ասել է Մեդվեդևը Օտարերկրյա ներդրումների խորհրդատվական խորհրդի նիստում: Նա հիշեցրել է, որ ԵՏՄ-ն արդեն համաձայնագիր է կնքել առևտրի ազատ գոտու ստեղծման մասին Վիետնամի հետ: Մեդվեդևը նշել է, որ օտարերկրյա ընկերությունների համար ԵՏՄ-ն հնարավորություն կտա ընդլայնել ներկայությունը 5 պետությունների շուկաներում: Հայաստանը ԵՏՄ-ին անդամակցելու համաձայնագիրը կնքեց 2014-ի հոկտեմբերի 10-ին և ԵՏՄ լիիրավ անդամ դարձավ 2015-ի հունվարի 2-ին: Հղումներ թեմայով. Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |