ԶԼՄ-ներ. Էրդողանը Թուրքիան վերածել է «ահաբեկչության ինկուբատորի»29 մարտի 2016 - 15:00 AMT PanARMENIAN.Net - Թուրքիայի նախագահ Ռեջեփ Թայիփ Էրդողանն իր պետությունը վերածել է «ահաբեկչության ինկուբատորի», որը ներկայանում է որպես Արևմուտքի միակ գործընկերը: Այդպիսի կարծիք է հայտնել The Washington Free Beacon-ը: Էրդողանի նպատակը Թուրքիայի իսլամականացումն է և նոր օսմանական իմպերիալիզմի հիմնումը: «Նա «Պակիստան է ստեղծել Միջերկրական ծովում»` ահաբեկչության ինկուբատոր, որը, սակայն, ներկայանում է որպես միակ ընդունելի գործընկեր Արևմուտքի համար, ինչը ողբերգական հետևանքներ կունենա»,-ասվում է հոդվածում: Պարբերականը կարծում է, որ թուրքական իշխանությունները «միտումնավոր անտեսում են այն փաստը, որ երկիրը թույլ է տվել «Իսլամական պետությանը» զարգանալ ու նորագոյացություններ» առաջացնել տարածաշրջանում: «Թուրքիան օգնում է ԻՊ-ին, օգուտ քաղելով ահաբեկիչների առաջացրած քաոսից: Թուրքական կառավարությունը վարպետորեն «թոզ է փչում» արևմտյան գործընկերների աչքերին: Ամերիկացի կամ եվրոպացի պաշտոնյաների հետ հանդիպումներում Էրդողանը միայն բառացի է սատարում Թուրքիայի և Արևմուտքի գործակցությանն ու ժողովրդավարության կարևորությանը»: Ըստ պարբերականի, էրդողանը «միանգամայն այլ հայտարարություններ է անում թուրքերի համար: Վերջին տարիներին նա իր թիրախ է հայտարարել «կրոնական սերունդ մեծացնելը», որը հիմա գործուղվում է «Սիրիա և Իրաք»: Պարբերականը նշում է, որ «ահաբեկիչները կանոնավոր կերպով հատում են թուրքական սահմանը` բուժվելու, հանգստանալու ու զվարճանալու նպատակով»: Հեղինակները վստահ են, որ եթե Թուրքիայի իշխանությունները վերացնեին կամ սահմանափակեին առանց մուտքի արտոնագրերի ռեժիմը Լիբանանի, Մարոկկոյի, Թունիսի և Հորդանանի հետ, ապա ԻՊ նորակոչիկների թիվը կտրուկ կնվազեր: The Washington Free Beacon նշում է, որ «ԻՊ հետ նավթի առևտրով զբաղվող մաքսանենգները հենվում են Թուրքիայի վրա պաշտոնական շուկայում «սև ոսկու» վաճառքի հարցում: «Նրանք կաշառք են տալիս և նույնիսկ, հավանաբար, ԱԶԿ ներկայացուցիչներին»,-վստահ է պարբերականը, հայտնում է ՏԱՍՍ-ը: «Անկարան սատարում է «Ջեբհաթ ան Նուսրային»: Փոխանակ պարգևատրելու զինվորներին, որոնք կանգնեցրել էին ծայրահեղականների համար նախատեսված զենքով բեռնատարները, էրդողանը հրամայեց ձերբակալել նրանց»,-մեջբերել է պարբերականը թուրքական հետախուզության տվյալները: 2014-ին, ասվում է հոդվածում, երբ քրդերը մարտեր էին վարում ահաբեկիչների հետ Քոբանիի համար, «Էրդողանը բացեց սահմանը և թույլ տվեց գրոհայիններին թիկունքից հարվածել «փեշմերգա» ջոկատներին: Հենց սկզբից էրդողանը սիրիացի փախստականների հարցը դիտարկում էր ոչ թե որպես հումանիտար ողբերգություն, այլ որպես իր հաղթաթուղթը: Նա սունի փախստականներին թուրքական քաղաքացիություն առաջարկեց, եթե նրանք մեկնեն բնակվելու այն գավառները, որոնք առավելապես ալևիներով են բնակեցված»,-գրում է պարբերականը: Բացի այդ, Անկարան, այն բանից հետո, երբ շատ երկրներ ճանաչեցին եզդիների ցեղասպանությունը Մերձավոր Արևելքում, «մերժեց իր երկրում ապաստանած եզդիներին սունիներին համազոր օգնություն ցուցաբերելու հարցում»: Մարտի 20-ից ուժի մեջ է մտել Եվրամիության և Թուրքիայի միջև համաձայնագիրն, ուղղված միգրացիոն ճգնաժամի հանգուցալուծմանը: ԵՄ երկրների առաջնորդները և Թուրքիայի վարչապետ Ահմեդ Դավութօղլուն համաձայնության են եկել փախստականների հարցում: Ըստ փաստաթղթի, պետք է հետ վերադարձվեն բոլոր ապօրինի ներգաղթյալները, որոնք Թուրքիայի տարածքով Հունաստան են հասնում, փոխարենը Թուրքիայի քաղաքացիների համար կչեղարկվի մուտքի արտոնագրի անհրաժեշտությունը, Թուրքիան 6 մլրդ եվրո կստանա, իսկ ԵՄ-ն կընդունի Թուրքիայից ժամանող սիրիացի փախստականներին: Ըստ պարբերականի, այդ համաձայնագիրն «Արևմուտքի հանդեպ ճնշման լծակ կդառնա Էրդողանի համար»: Հոդվածում նաև մերջբերվում է Հորդանանի թագավոր Աբդալլահ Երկրորդի կարծիքը, ըստ որի, «ահաբեկիչների մեկնումը Եվրոպա թուրքական քաղաքականության մասն է»: Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Team-ի ինտերնետը հասանելի է մետրոյում Team-ի 4G ինտերնետը հնարավորություն կտա մետրոյի ուղևորներին անխափան օգտվել հավելվածներից, դիտել տեսանյութե Կիրանցի ղեկավար. Փաշինյանն ասել է՝ Ադրբեջանի վերահսկողության տակ գտնվող մեր հողերը վերադարձնելու ենք Տավուշի 4 գյուղ հանձնելու Ադրբեջանի պահանջի վերաբերյալ Կիրանցի գյուղապետն ասել է, որ դրանք ադրբեջանական գյուղեր են Բայրամովը Բոնոյին է ներկայացրել Բաքվի «ակնկալիքները ՀՀ հետ խաղաղ գործընթացից» Նրանք քննարկել են տարածաշրջանում տիրող իրավիճակը Փաշինյան․ ՀՀ այն ուրվագիծը, որ ցույց եմ տվել ասուլիսին, ցուցադրել եմ նաև Տավուշում «Հարցեր կային, որ տեղում դրանց սրությունը, այսպես ասած, ավելի էմոցիոնալ ու ավելի գործնական զգացի»,-ասել է նա |