Amnesty International. Թուրքիան ապօրինաբար արտաքսում է երկրից փախստականներին 1 ապրիլի 2016 - 13:07 AMT PanARMENIAN.Net - Հունվարի երկրորդ կեսից սկսած Թուրքիան հարյուրավոր սիրիացի փախստականների ստիպել է հայրենիք վերադառնալ: Այսպիսի հայտարարություն է արել իրավապաշտպան Amnesty International-ը: Ըստ կազմակերպության տվյալների, ամեն օր Թուրքիայից մոտ 100 փախստական է արտաքսվում: Թուրքիայում նրանց չեն գրանցում: Անկարան հերքում է իրավապաշտպանների մեղադրանքները: Amnesty International-ի տվյալները կասկածի տակ են դնում Եվրամիության և Թուրքիայի գործարքը: Ըստ գործարքի նախատեսվում է ստիպողաբար Թուրքիա վերադարձնել այդ երկրի տարածքով անօրինական ճանապարհով Եվրոպա հասնող փախստականներին, որոնք ապաստան ստանալու իրավունք չունեն: Փոխարենը ԵՄ-ն պարտավորվել է համապատասխան քանակի սիրիացիների տեղավորել իր տարածքում, որոնք արդեն փախստականների համար թուրքական ճամբարներում են: Amnesty International-ում կարծում են, որ Թուրքիան կարող է անվտանգ չլինել փախստականների համար` նրանց այնտեղ գրեթե չեն գրանցում, նրանք զրկված են բուժօգնությունից և այլ ծառայություններից: Ըստ տարբեր գնահատականների, թուրք-սիրիական սահմանին մոտ 20 հազար փախստական է կուտակվել, հայտնում է BBC-ի ռուսական ծառայությունը: Ավելի վաղ The Times-ը գրել է, որ թուրք սահմանապահները գնդակահարում են փախստականներին, որոնք փորձում են փրկվել Սիրիայում ընթացող քաղաքացիական պատերազմից: Ըստ Մարդու իրավունքների սիրիական դիտարկման կենտրոնի, վերջին 4 ամսում սահմանը հատելիս 16 փախստական է սպանվել, այդ թվում` 3 երեխա: Ըստ ԵՄ Frontex գործակալության, 2015-ին Եվրամիություն է ժամանել մոտ 1,2 մլն ներգաղթյալ: Այս միգրացիոն ճգնաժամը խոշորագույնն է Երկրորդ համաշխարհային պատերազմից հետո: Միայն Սիրիայից հեռացել է 4,6 մլն մարդ: Փախստականները նավակներով հասնում են Հունաստանի, Իտալիայի կղզիներ, այնուհետև ճանապարհը շարունակում հյուսիս՝ Գերմանիա, Ավստրիա, Ֆրանսիա, Շվեդիա, Մեծ Բրիտանիա: Ընթերցեք նաև. The Times. Թուրք սահմանապահները գնդակահարում են սիրիացի փախստականներին Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ Լեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստում Ալիև․ Հայաստանի հետ պետսահմանի մոտ 10-12 կմ–ն արդեն կարելի է սահմանազատված համարել Նա նաև խոսել է հայկական կողմի հետ կանոնավոր շփումների մասին Պատել․ ԱՄՆ–ն ողջունում է Հայաստանի և Ադրբեջանի միջև սահմանազատման գործընթացի մեկնարկը «Դա կարևոր քայլ է տևական և արժանապատիվ խաղաղություն հաստատելու ճանապարհին»,–ասել է նա |