Վերլուծաբաններ. ԼՂ հակամարտության սրումը կհարվածի ադրբեջանական նավթի արտահանմանը

Վերլուծաբաններ. ԼՂ հակամարտության սրումը կհարվածի ադրբեջանական նավթի արտահանմանը

PanARMENIAN.Net - Ադրբեջանցիների և հայերի հարաբերությունների սրացումն անմիջական վտանգ է պարունակում Կասպից ծովը եվրոպական շուկաների հետ կապող առանցքային խողովակաշարերի համար: Նման կարծիք են հայտնել Լոնդոնից և Վաշինգտոնից վերլուծաբանները:

Bloomberg-ի վերլուծաբան Ֆիլիպ Կլադեկը կարծիք է հայտնել, որ ռազմավարական նշանակության պատճառով խողովակաշարերը միշտ հարձակումների թիրախ են դառնում: «Հաշվի առնելով Ջեյհանի հետ BP-ի կապը՝ ցանկացած խախտում կհարվածի ադրբեջանական նավթի արտահանմանն ու եվրոպական վերամշակողնեի գործունեությանը, հատկապես՝ միջերկրածովյան ուղղությամբ»,- հավելել է Կլադեկը:

Լոնդոնյան CMC Markets Plc. ընկերության վերլուծաբան Մայքլ Հյուսոնի կարծիքով, շուկաներում որևէ լրացուցիչ վտանգ չկար Կասպից ծովից Միջերկրական մատակարարումների հետ կապված, ուշադրության կենտրոնում էր մնում մատակարարումների գլոբալ ավելցուկը:

«Մարտերը մտահոգություն են առաջացրել, որ հակամարտությունը կտարածվի Ռուսաստանի, Թուրքիայի և Իրանի հետ սահմանակից տարածաշրջանում: BP Plc.-ի ղեկավարած ստորգետնյա նավթատարը, որի միջոցով Բաքվից թուրքական Ջեյհան օրական 720.000 բարել նավթ էր մատակարարվում, անցնում է հակամարտության գոտուց մոտ 30 մղոն հեռավորությամբ: $45 մլրդ արժողությամբ հարավային գազային միջանցքը, որը շինարարության ավարտից հետո ադրբեջանական բնական գազը Եվրոպա է հասցնելու, գտնվում է նույն հեռավորության վրաբ»,- նշված է հոդվածում, Bloomberg-ին հղումով գրում է Արցախպրեսը:

Ռազմավարական և միջազգային հետազոտությունների կենտրոնի ավագ գիտաշխատող Էդվարդ Չոուն կասկածում է, որ Լեռնային Ղարաբաղի հակամարտությունը կազդի նավթի գների վրա: «Շուկաները շարունակում են գերհագեցած մնալ և սպասում են ապրիլի 17-ին Դոհայում արդյունահանողների հանդիպման ժամանակ ձեռք բերվելիք համաձայնությանը»,- ասել է նա:

Պարբերականի համաձայն, մարտերը կարող են լայնածավալ ռազմական գործողությունների վերածվել Կովկասյան լեռներում, Ռուսաստանի հետ սահմանի երկայնքով անկայունության նոր աղեղի, որն ընկած է Լեռնային Ղարաբաղից դեպի հյուսիս և արևմուտք: «Ռուսաստանի դաշնակից Հայաստանի և ՆԱՏՕ-ի անդամ Թուրքիայի հետ ամուր կապեր ունեցող Ադրբեջանի միջև պայքարը կհանգեցնի տարածաշրջանում մեծ ցնցումների»,- գրել է հեղինակը:

Ապրիլի լույս 2-ի գիշերից ապրիլի 5-ը ղարաբաղա-ադրբեջանական շփման գծում շարունակվող մարտերում ՊԲ ստորաբաժանումները, ըստ ԼՂՀ ՊՆ տվյալների, ոչնչացրել են հայկական դիրքերի ուղղությամբ գրոհող թշնամական 2 ուղղաթիռ, ինչպես նաև 26 տանկ, 4 ՀՄՄ, 1 «Գրադ», ինժեներական 1 մեքենա և 14 ԱԹՍ: Ադրբեջանն ընդունել է 31 զինծառայողի զոհվելու, ինչպես նաև 1 տանկի ու 1 ուղղաթիռի ոչնչացման փաստը և չի հայտնել ոչ մի վիրավորի մասին՝ այն դեպքում, երբ միայն հայկական կողմի հրապարակած ֆոտո- և տեսանյութերում առկա են մի քանի տասնյակ դիակներ, 1 ուղղաթիռ և 3 ԱԹՍ: Ադրբեջանական ընդդիմադիր ԶԼՄ-ները, սակայն, հրապարակել են 93 զոհի, 33 վիրավորի ինքնության մասին տվյալներ: Ստեփանակերտի գնահատականով, Ադրբեջանի ընդհանուր կորուստները գերազանցում են 300-ը:

Հայկական կողմն ունի 64 զոհ, 122 զինծառայող վիրավորվել է:

ՊԲ-ն նաև 14 տանկ է կորցրել: Ապրիլի 5-ին Մոսկվայում Հայաստանի ու Ադրբեջանի ԶՈւ գլխավոր շտաբերի պետերի միջև ժամը 12:00-ից կրակի դադարեցման մասին երկկողմանի պայմանավորվածություն է ձեռք բերվել՝ բանակցություններ անցկացնելու պայմանով:

Հակառակորդն անկանոն կրակ է բացել հայ-ադրբեջանական սահմանի հյուսիսարևելյան հատվածում

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---