Մովսես Հակոբյան. Կրակի դադարեցման մասին առաջարկությունն արել է Ադրբեջանը11 ապրիլի 2016 - 15:59 AMT PanARMENIAN.Net - ՀՀ ԶՈւ գլխավոր շտաբի պետի տեղակալ, Արցախի Պաշտպանության նախկին նախարար Մովսես Հակոբյանըանդրադարձել է հարցին, թե, արդյոք, հնարավոր չէ՞ր կանխատեսել ղարաբաղա-ադրբեջանական հակամարտ զորքերի շփման գծի ամբողջ երկայնքով ապրիլի 1-ի լույս 2-ի գիշերվանից Ադրբեջանի ձեռնարկած լայնածավալ նախահարձակ գործողությունները, հայտնում է Tert.am-ը «Մեր հետախուզությունը տեղեկություն ուներ, բայց ԼՂ շփման գիծը բավականին երկար է, և կոնկրետ որ ժամին, որտեղ է դա լինելու, կռահելը մի քիչ դժվար է, բայց այն որ կանխատեսել էինք և գիտեինք, որ հակառակորդը դիվերսիոն գործողությունների միջոցով փորձելու է անցնել հարձակման, այդ տեղեկությունը մեր զինված ուժերն ունեցել է և համապատասխան միջոցառումներ իրականցրել են»,- ասել է նա: Պատասխանելով հարցին, թե որքան տևական կլինի կրակի դադարեցման մասին պայմանավորվածության պահպանումը` Հակոբյանն ասել է. «Նախ ասեմ, որ առաջարկությունը ներկայացրել է Ադրբեջանը՝ դիմելով Ռուսաստանի Դաշնության գլխավոր շտաբի պետին և այս անգամ ևս պետք է փաստենք, որ հայ զինվորը ևս մեկ անգամ պարտադրեց հակառակորդին հրադադար: Թե որքան կտևի այս իրավիճակը, կանխատեսել դժվար է, բայց այն, որ հայկական զինված ուժերն այսուհետ ևս պատրաստ են կանխելու հակառակորդի նման ոտնձգությունը, դա փաստ է: Կարծում եմ, որ հակառակորդն այս գործողություններից հետևություն կկատարի և եթե ևս մեկ անգամ փորձի նման ձևով լուծել Լեռնային Ղարաբաղի հիմնախնդիրը՝ իրեն տրված պատասխանը կլինի ավելի կոշտ և ավելի խիստ»,- ասել է նա: Ինչ վերաբերում է Ստեփանակերտ հասնելու Ադրբեջանի մտադրությանը, ապա Մովսես Հակոբյանն ասել է, որ դա երազանքի ժանրից է, որովհետև իրենք քաջ գիտակցում են, որ կռվելու են հայկական բանակի հետ և ամեն մի հողի համար զինվոր կա: Նա նշել է, որ հակառակորդը գործել է գաղտնի, գիշերը դիվերսիոն 2 հատուկ նշանակության բրիգադի ուժերով և փորձել է գործել չորս ուղղություններով. երկու ուղղություններով հաջողություն չի ունեցել, իսկ երկու ուղղությունում նախ ունեցել է, այնուհետև Պաշտպանության բանակի համապատասխան ստորաբաժանումները մարտի են բռնվել մխրճված հակառակորդի հետ և կագնեցրել նրանց առաջխաղաղցումը: Ինչ վերաբերում է փոխօգնության ռազմական համաձայնագրի կնքման անհրաժեշտությանը՝ Մովսես Հակոբյանն ասել, որ ՀՀ նախագահը հստակ հայտարարել է, որ Հայաստանի Հանրապետությունը՝ ի դեմս Հայաստանի զինված ուժերի, պատասխանատվություն է կրում Լեռնային Ղարաբաղի ժողովրդի անվտանգության համար և սրանից բխող բոլոր գործառույթներն իրականացրել է և այսուհետ ևս իրականացնելու է: Ապրիլի լույս 2-ի գիշերից ապրիլի 5-ը ղարաբաղա-ադրբեջանական շփման գծում շարունակվող մարտերում ՊԲ ստորաբաժանումները, ըստ ԼՂՀ ՊՆ տվյալների, ոչնչացրել են հայկական դիրքերի ուղղությամբ գրոհող թշնամական 2 ուղղաթիռ, ինչպես նաև 26 տանկ, 4 ՀՄՄ, 1 «Գրադ», ինժեներական 1 մեքենա և 14 ԱԹՍ: Ադրբեջանն ընդունել է 31 զինծառայողի զոհվելու, ինչպես նաև 1 տանկի ու 1 ուղղաթիռի ոչնչացման փաստը և չի հայտնել ոչ մի վիրավորի մասին՝ այն դեպքում, երբ միայն հայկական կողմի հրապարակած ֆոտո- և տեսանյութերում առկա են մի քանի տասնյակ դիակներ, 1 ուղղաթիռ և 3 ԱԹՍ: Ադրբեջանական ընդդիմադիր ԶԼՄ-ները, սակայն, հրապարակել են 93 հոգու զոհվելու, 33 վիրավորի, ևս 6 անհետ կորածի փաստը հաստատող տեղեկություններ: Ստեփանակերտի գնահատականով, Ադրբեջանի ընդհանուր կորուստները գերազանցում են 300-ը: Հայկական կողմն ունի 64 զոհ, 122 զինծառայող վիրավորվել է: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Բերման է ենթարկվել անհնազանդության ակցիաների 29 մասնակից, որից 17–ը՝ Երևանում Վեդիում բերման է ենթարկվել Լևոն Քոչարյանը Amnesty International․ Ադրբեջանի կողմից էական առաջընթաց չի գրանցվել ԼՂ հայերի ապահով վերադարձի համար Նշվում է, թե Ադրբեջանի իշխանությունները համաներում էին խոստացել նրանց, ովքեր կռվել են Լեռնային Ղարաբաղի համար Զախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նա Վաշինգտոնում կայացել է ամենամյա Արդարության երթը Երթի մասնակիցներն Ադրբեջանի դեսպանատան մոտից քայլել են դեպի Թուրքիայի դեսպանատուն, հետո դեպի Սպիտակ տուն |