Արցախում վիրավորներից 5-ի վիճակը ծայրահեղ ծանր է, սակայն կա դրական տեղաշարժ

Արցախում վիրավորներից 5-ի վիճակը ծայրահեղ ծանր է, սակայն կա դրական տեղաշարժ

PanARMENIAN.Net - Ղարաբաղա-ադրբեջանական շփման գծում ապրիլի սկզբից տեղի ունեցած բախումների հետևանքով հայկական կողմի վիրավորների թիվը կազմում է 125:

Այդ մասին է հայտարարել ՊՆ Զինված ուժերի ռազմաբժշկության վարչության պետի տեղակալ Հարություն Գալստյանը, հայտնում է Tert.am-ը:

Նրանցից ծայրահեղ ծանր է գնահատվում 5 հոգու վիճակը: Գալստյանն ընդգծեց, որ բոլոր վիրավորների մոտ առկա է առողջության դրական տեղաշարժ:

«Ինչպես ասում են՝ հաղթող զինվորի վերքերը շուտ են լավանում: Բոլորի վիճակը վերահսկվում է մասնագետների կողմից՝ մասնավորապես Պաշտպանության նախարարության և Առողջապահության նախարարության բարձրակարգ մասնագետների կողմից»,-ասել է նա:

Վիրավորների գերակշիռ մասի մոտ բեկորային վնասվածքներ են:

Ավելի վաղ ռազմական բժիշկ Արմեն Հովսեփյանն ասել էր, որ վիրավորների մեծ մասն ուզում է ապաքինվել ու վերադառնալ առաջնագիծ, սակայն շեշտել էր, որ վիրակապով ոչ մի զինվորի ծառայության վերադառնալ չի թուլատրվի: «Չնայած որ իրենք մղում ունեն, ձգտում ունեն, բայց դա չի նշանակում, որ պետք է գնան»,- նշել էր նա:

Կարդացեք նաև. Ադրբեջանցի բժիշկ. Ծանր վիրավոր զինվորների քանակը 3-4 անգամ ավելի է պատերազմական նորմայից

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---