Հռիփսիմե Խուրշուդյանը՝ ԵԱ չեմպիոն

PanARMENIAN.Net - Նորվեգիայում ավարտին մոտեցող ծանրամարտի Եվրոպայի առաջնությունում Հայաստանը հերթական ոսկին է նվաճել: Կանանց +75կգ քաշային կարգում Եվրոպայի ուժեղագույն մարզուհի է ճանաչվել Հռիփսիմե Խուրշուդյանը:

Պոկում վարժությունում Խուրշուդյանը 113կգ-ով գրավել է առաջին տեղը: Նույնքան կիլոգրամ էր բարձրացրել նաև Վրաստանը ներկայացնող Անաստասիա Հոտֆրիդը, սակայն անձնական քաշով Հռիփսիփեն ավելի թեթև էր, ուստի Հոտֆրիդը արժանացել է փոքր ոսկե մեդալի:

Հրում վարժությունում Խուրշուդյանը ևս լավագույնն էր՝ 137 կգ արդյունքով: Երկամարտի 250կգ արդյունքում Խուրշուդյանը դարձել է Եվրոպայի չեմպիոն, իսկ Հայաստանը 3-րդ ոսկե մեդալն է նվաճել ԵԱ-ում:

Այս քաշային կարգում ելույթ է ունեցել նաև Հայաստանի մեկ այլ ներկայացուցիչ՝ 17-ամյա Արփինե Դալալյանը: Երկամարտի արդյունքում 213կգ և գրավել է 6-րդ հորիզոնականը:

Խուրշուդյանը 2-րդ անգամ է դարձել Եվրոպայի չեմպիոն: Առաջին անգամ նա նման պատվի արժանացել էր 2007-ին, երբ ոսկե մեդալ էր նվաճել 75կգ քաշայինների պայքարում:

Ծանրորդ Սոնա Պողոսյանը 4-րդն է ԵԱ-ում

Ծանրորդ Կարապետյանը` Եվրոպայի չեմպիոն, Մարտիրոսյանը` փոխչեմպիոն