ՌԴ ԱԳ նախարարն ապրիլի 22-ին կժամանի Երևան

ՌԴ ԱԳ նախարարն ապրիլի 22-ին կժամանի Երևան

PanARMENIAN.Net - Ռուսաստանի Դաշնության արտգործնախարար Սերգեյ Լավրովն ապրիլի 22-ին պաշտոնական այցով կժամանի Հայաստան: Այցի ընթացքում ի թիվս այլ հարցերի կքննարկվի նաև ղարաբաղյան հակամարտության կարգավորման թեման: Այդ մասին հայտնել է Ռուսաստանի ԱԳՆ պաշտոնական ներկայացուցիչ Մարիա Զախարովան «Պառլամենտսկայա գազետա» մամուլի կենտրոնում:

«Այցի շրջանակում Լավրովը մի շարք երկկողմ հանդիպումներ կունենա, կենտրոնական թեմաներից մեկը կլինի Լեռնային Ղարաբաղի հարցը: Ավելի մանրամասն տեղեկություններ այցի մասին կլինեն ԱԳՆ կայքում ավելի ուշ»,-ասել է Զախարովան:

Ապրիլի 8-ին Մոսկվայում աշխատանքային այցով գտնվող արտգործնախարար Էդվարդ Նալբանդյանը հանդիպել է Ռուսաստանի Դաշնության արտգործնախարար Սերգեյ Լավրովին: Զրուցակիցները շարունակել են ղարաբաղյան հակամարտության գոտում իրավիճակի լարման վերաբերյալ վերջին օրերին ունեցած քննարկումները: Հայաստանի և Ռուսաստանի արտգործնախարարները կարևորել են հրադադարի ռեժիմի ամրապնդման ուղղությամբ ԵԱՀԿ Մինսկի խմբի համանախագահների կողմից արված առաջարկությունների իրագործումը։ Սերգեյ Լավրովը Էդվարդ Նալբանդյանին տեղեկացրել է Բաքվում կայացած ռուս-ադրբեջանական հանդիպումների մասին։

Ապրիլի 11-ին ՌԴ ԱԳ նախարար Սերգեյ Լավրովը հայտարարեց, որ Մոսկվան կոչ է անում ղարաբաղյան հակամարտության կողմերին պահպանել պայմանավորվածությունը կրակի դադարեցման մասին:

Ընթերցեք նաև. Լավրով. ՌԴ-ն կոչ է անում ԼՂ հակամարտության կողմերին պահպանել կրակի դադարեցման մասին պայմանը

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---