  New York Times. Դիարբեքիրի հայերը մտահոգված են քաղաքում թուրքական կառավարության գործողություններով 24 ապրիլի 2016 - 14:40 AMT PanARMENIAN.Net - Թուրքական կառավարությունն առգրավել է հայկական Սբ Կրակոս եկեղեցին, ինչպես նաև մի շարք այլ եկեղեցիներ, քաղաքացիական և մշակութային օբյեկտներ մարտական գործողությունների հետևանքով տուժած քրդաբնակ Դիարբեքիրում: Թուրքիայի իշխանությունները հայտարարել են, թե մտադիր են վերականգնել շինությունները, սակայն քաղաքի բնակիչները մտահոգված են` նրանք մտավախություն ունեն, որ կառավարությունը մտադիր է արտաքսել նրանց քաղաքից, գրում է New York Times-ը: Մարտի 25-ին Թուրքիայի նախարարների խորհրդի որոշմամբ, արագացված կարգով պետականացվեցին Դիարբեքիրի Սուր շրջանի 80%-ը: Պետականացված տարածքի մեջ են մտնում հայկական Սբ Կիրակոս եկեղեցին, ասորական ու բողոքական եկեղեցիներ: Ինչպես հայերը, որոնց համար Սբ Կիրակոսը կարևոր մշակութային արժեք է, այնպես էլ քրդերը առգրավումը քողարկված սպառնալիք են համարում: Ըստ նրանց, կառավարությունը ծրագրում է քանդված թաղամասերը, որտեղ ազգային փոքրամասնություններ են ապրում, փոխարինել ճոխ տներով, որոնք մատչելի կլինեն միայն մեծահարուստներին: Թուրքիայի նախագահ Էրդողանը հայտարարել էր Դիարբեքիրի վերակառուցման մասին դեռ 2011-ին` հայտարարելով, թե «քաղաքը վերածվելու է միջազգային զբոսաշրջության վայրի», գրում է «Նյու Յորք թայմսը»: Եկեղեցու հիմնադրամները պատրաստվում են դատարան դիմել՝ որոշումը չեղարկելու համար: Իսկ Դպրեվանքի հիմնադրամի փաստաբաններից Օմեր Քանթիքը կարծում է, որ պետականացման որոշումն անօրինական է: Ըստ Քանթիքի՝ նախարարների խորհուրդը որոշումը կայացնելիս պետք է պարզաբաներ, թե որ հատվածը ինչու է պետականացվում, իսկ այժմ հայտարարությունները, թե պետականացման գործընթացը «բարի նպատակներ» ունի, իրավական տեսանկյունից չեն կարող մեղմել իրավիճակի լրջությունը: «Այն, որ եկեղեցին գրանցված է որպես պատմական հուշարձան, իրավիճակը չի փոխում: Կա՛մ Նախարարների խորհուրդը նոր որոշում կընդունի, կա՛մ էլ պետք է բողոքարկման համար դիմել դատարան»,- ասել է փաստաբանը: Նախարարների խորհրդի որոշումը փոխելու անհրաժեշտության մասին խոսել է նաև Պոլսի հայոց պատրիարքի փոխանորդ Արամ արքեպիսկոպոս Աթեշյանը: Վերջինս նշել է, որ հարցը քննարկելու համար հանդիպում է պահանջել Թուրքիայի շրջակա միջավայրի և քաղաքաշինության նախարար Ֆաթմա Գյուլդեմեթ Սարըի հետ:  Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Բերման է ենթարկվել անհնազանդության ակցիաների 29 մասնակից, որից 17–ը՝ Երևանում  Վեդիում բերման է ենթարկվել Լևոն ՔոչարյանըԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունենԶախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նաՎաշինգտոնում կայացել է ամենամյա Արդարության երթը Երթի մասնակիցներն Ադրբեջանի դեսպանատան մոտից քայլել են դեպի Թուրքիայի դեսպանատուն, հետո դեպի Սպիտակ տուն |
