Գերմանիան մտադիր է ավիաբազա ստեղծել Թուրքիայում25 ապրիլի 2016 - 14:46 AMT PanARMENIAN.Net - Գերմանիայի զինված ուժերը (Բունդեսվեր) մտադիր են ավիաբազա ստեղծել թուրքական Ինջիրլիկ ավիաբազայի հիման վրա, հայտնում է ՌԻԱ Նովոստին Spiegel Online-ի վրա հղումով: Ըստ գերատեսչության ներքին փաստաթղթերի, որոնց վրա հղում է կատարում պարբերականը, Գերմանիան մոտ 65 մլն եվրո կհատկացնի իր թռիչքուղու կառուցման, գերմանացի զինվորների կացարանների և վարժահարթակի կառուցման համար: Բացի այդ, բանակցություններ են գնում Անկարայի հետ գերմանացի զինվորների տեղակայման վերաբերյալ երկարաժամկետ համաձայնագրի շուրջ: Ենթադրվում է, որ առաջիկա 6 ամսում Գերմանիան մոտ 10 մլն եվրո կծախսի Tornado կործանիչների և լիցքավորող ինքնաթիռների համար նախատեսված թռիչքուղու կառուցման վրա: Լրացուցիչ ԳԴՀ-ն մոտ 15 մլն եվրո կհատկացնի 400 զինվորի համար նախատեսված զորանոցների համար: Գերամանացիները նաև սրճարան և հանգստի գոտի կկառուցեն` 4,5 մլն եվրոյով: Նախագծերի մեծ մասը նախատեսվում է ավարտել արդեն 2017-ի ամռանը, ինչը շատ արագ տեմպ է գերմանացիների համար, եթե հաշվի առնենք, որ վերջնական որոշում դեռ չի կայացվել: Մինչ օրս բունդեսվերի ուժերը ժամանակավոր էին Թուրքիայում որպես ՆԱՏՕ-ի գծով գործընկեր: Բունդեսվերը Սիրիայում ընթացող հակաահաբեկչական գործողություններին մասնակցում է 2015-ի դեկտեմբերի 15-ից: Դեկտեմբերի 4-ին Բունդեսթագը ձայների մեծամասնությամբ հավանություն տվեց գերմանական ուժերի մասնակցությանն ԻՊ դեմ պայքարին: Մանդատն ուժի մեջ է մինչև 2016-ի դեկտեմբերի 31-ը և չի ենթադրում մասնակցություն ցամաքային գործողություններին: Բունդեսվերի առաքելությունը տեղակայված է Ինջիրլիկում 2015-ի դեկտեմբերից: Այժմ Թուրքիայում մոտ 200 գերմանացի զինծառայող կա: Իրականացվում են հիմնականում հետախուզական թռիչքներ: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել |