Արոնյանը հաղթել է Կարլսենին Ստավանգերում

Արոնյանը հաղթել է Կարլսենին Ստավանգերում

PanARMENIAN.Net - Շախմատի Հայաստանի հավաքականի առաջատար Լևոն Արոնյանը նորվեգական Ստավանգեր քաղաքում ընթացող մրցաշարում սպիտակներով հաղթել է աշխարհի գործող չեմպիոն Մագնուս Կարլսենին:

Chess.am հաղորդմամբ, Արոնյանը հաղթել է 31-րդ քայլին։ Ոչ ոքի արդյունքով խաղն ավարտել է Գիրի-Գրանդելիուս զույգը։ Արոնյանն ու Մագնուս Կարլսենը 5 միավորով կիսում են 1-2 հորիզոնականները։ 9-րդ տուրում Արոնյանի մրցակիցը կլինի Պենտալա Հարիկրիշնան։

Ավելի վաղ Արոնյանը հաղթել է Պավել Էլջանովին: Հայ շախմատիստը խաղում էր սպիտակ խաղաքարերով և պարտիայի 45-րդ քայլին ստիպել էր մրցակցին հանձնվել: Առաջին 6 տուրում հայ շախմատիստի պարտիաները խաղաղ ելք են ունեցել:

Գրոսմայստեր Լևոն Արոնյանը 2005 թվականի շախմատի աշխարհի գավաթակիր է, Լինարեսի (2006), Վեյկ ան Զեեի (2007,2008, 2012,2014) և Բիլբաոյի (2009, 2013) գերմրցաշարերի, 2006, 2010 և 2011թթ. Տալի հուշամրցաշարերի, 2008/2009 ՖԻԴԵ-ի Գրան պրիի, ռապիդի աշխարհի առաջնության (2009) հաղթող, 2006 և 2007 թվականների Ֆիշերի շախմատի աշխարհի չեմպիոն, 2010 թվականի կայծակնային շախմատի աշխարհի չեմպիոն, բազմաթիվ այլ մեծ նվաճումների հեղինակ:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---