Զինվորական ժգուտների ներկրման համար ոչ թե $1200, այլ 21.000 դրամ է գանձվել 2 մայիսի 2016 - 14:29 AMT PanARMENIAN.Net - ՀՀ ԿԱ պետական եկամուտների կոմիտեն արձագանքել է ԶԼՄ-ներում տեղ գտած այն հրապարակումներին, թե արտերկրից ուղարկված զինվորական օգնությունը մաքսազերծելու համար պահանջել են $1200: Այս առնչությամբ կոմիտեն տեղեկացնում է, որ համապատասխան տարածաշրջանային մաքսատանը ապրիլի 1-ից մինչ օրս առկա չէ հրապարակման մեջ հիշատակված ներկրման վերաբերյալ որևէ տեղեկատվություն: Թյուրըմբռնումից խուսափելու նպատակով առաջարկում են հրապարակման հեղինակին ներկրմանն առնչվող փաստաթղթերը ներկայացնել ՊԵԿ, ինչից հետո պատրաստ են տրամադրել առավել հանգամանալի պարզաբանում հարցի վերաբերյալ: Սոցիալական ցանցերում տեղեկատվություն էր տարածվել, որ զինվորներին հարկավոր է Military Medical Tourniquet զինվորական ժգուտ, որը ՀՀ-ում չկա։ Որպես օգնություն 5 արկղից բաղկացած փաթեթի դիմաց Հայաստան հասնելուն պես պահանջվել է $1200 դոլար` մաքսազերծման համար: Ֆեյսբուքյան օգտատերերից մեկը խնդրի հետ կապված պարզաբանել է. «Մաքսատանը պատճառաբանել էին, որ եթե ապրանքը ստացված լիներ ԵՏՄ անդամ երկրներից, հնարավոր կլիներ անվճար կամ գոնե զեղչերով մաքսազերծել: Պահանջվող գումարը չմուծելու պատճառով այն 2 օր մնացել էր մաքսատանը: Ստացողըմարդկանց օգնությամբ գտնում է երրորդ մեկին, ով կկարողանա միջամտել և այս խնդրին լուծում տալ առանց խոշոր գումար մուծելու: Ստացողի հետ խոսեցի, և նա հայտնեց, որ միջամտելուց հետո գումարը մուծվել և ապրանքը մաքսազերծվել է: Իսկ ավելի ուշ պարզվեց, որ 1200$-ի փոխարեն մուծվել է 21.000 դրամ»: Օգտատերը, միաժամանակ, հարց է բարձրացնում, թե արդյոք ճիշտ է զինվորներին օգնողներից ցանկացած գումար վերցնելը: Հղումներ թեմայով. Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին Լիտվայի վարչապետ․ Պատրաստ ենք աջակցել ՀՀ-ին ԵՄ-ի հետ հարաբերությունների սերտացմանը Կողմերը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում |