Բաբայան. Արցախի ճանաչման գործընթացը բանակցությունները կհանի փակուղուց 5 մայիսի 2016 - 16:18 AMT PanARMENIAN.Net - Լեռնային Ղարաբաղի անկախության ճանաչման գործընթացը մեկնարկել է: Այս մասին հայտարարել է ԼՂՀ նախագահի մամուլի քարտուղար Դավիթ Բաբայանը։ Հայաստանի կառավարությունը մայիսի 5-ի նիստում հաստատել է Արցախի անկախության ճանաչման մասին օրինագծի եզրակացությունը` ուղարկելով այն ԱԺ: «Մենք կառավարության որոշումը դիտարկում ենք հետևյալ տեսանկյունից։ Դա վերջնական ճանաչում չէ, բայց գործընթացը սկսվել է, ինչպես ժամանակին ասել է դասականներից մեկը։ Մենք կարծում ենք, որ այդ գործընթացը դրական կանդրադառնա տարածաշրջանում խաղաղության և կայունության հաստատման և փակուղում գտնվող բանակցային գործընթացի վերսկսման վրա»,- ասել է Բաբայանը, հաղորդում է Sputnik Արմենիան։ Նրա խոսքով` եթե Ադրբեջանը կրկին բռնի պատերազմի ճանապարհը, ապա ճանաչումն այլընտրանք չի ունենա։ Եթե Ադրբեջանը փոխի իր ռազմավարությունը և պատրաստ լինի կառուցողական բանակցությունների, ապա, Բաբայանի խոսքով, Հայաստանի կողմից ԼՂՀ ճանաչումը կարող է մի քիչ հետաձգվել։ Միաժամանակ նա նշել է, որ Լեռնային Ղարաբաղի ճանաչման գործընթացը չի սահմանափակվում միայն Հայաստանով։ Հայաստանի արտաքին գործերի նախարարի տեղակալ Շավարշ Քոչարյանը, անդրադառնալով ԼՂՀ ճանաչման նախագծի հաստատմանը կառավարության նիստի ընթացքում, ասել է, որ ՀՀ կառավարության եզրակացությունը Լեռնային Ղարաբաղի Հանրապետության ճանաչման վերաբերյալ այն է, որ որոշումը պայմանավորված է լինելու երկու հայկական պետության միջև բանակցությունների արդյունքով՝ հաշվի առնելով ապագա զարգացումները, այդ թվում՝ արտաքին գործոնները: «Մեր դիրքորոշումը շատ հստակ է, ու եթե Ադրբեջանը փորձի խուսափել այս զինադադարի հաստատման ռեժիմից և նոր ագրեսիա ծավալի, ապա այդ հարցը միանշանակ կմտնի օրակարգ»,-ասել է Քոչարյանը: Պատասխանելով հարցին, արդյոք Արցախի Հանրապետության ճանաչումը նշանակում է Մինսկի գործընթացի ավարտ, Շավարշ Քոչարյանն ասել է. «Մինսկի գործընթացի ավարտ կնշանակի Ադրբեջանի ագրեսիան»: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |