ՀՀ-ում սրտի ստենտավորման նոր տեխնոլոգիա է ներդրվել. Թույլ է տալիս խուսափել բաց վիրահատությունից 5 մայիսի 2016 - 18:24 AMT PanARMENIAN.Net - «Էրեբունի» բժշկական կենտրոնում ստենտավորման նոր տեխնոլոգիա է ներդրվել լեհ մասնագետների կողմից, որը հնարավորություն է տալիս խուսափել սրտի բաց վիրահատություններից։ Այս մասին լրագրողներին տեղեկացրել է Կենտրոնի սրտաբանական բաժանմունքի վարիչ Համլետ Հայրապետյանը: «Այս սարքը՝ ռոտոբլատորը, թույլ է տալիս խուսափել որոշ դեպքերում հիվանդներին բաց վիրահատությունների ուղարկելուց եւ միաժամանակ այն մեծ տրավմաներից, որոնք տեղի են ունենում բաց վիրահատությունների դեպքում եւ հիվանդության բուժման երկար տեւողությունից», - ասել է նա, գրում է Ա1+-ը: Լեհաստանի Բելոստոկ քաղաքի համալսարանական կլինիկայի ինվազիվ սրտաբանության բաժանմունքի ղեկավար դոկտոր Սլավոմիր Դրոբժինսկին էլ ասել է , որ այս տեխնոլոգիան ծանր վիճակում գտնվող հիվանդների համար է։ Հարցին, թե ստենտավորման այս նոր մեթոդը կարո՞ղ է կանխել մահացության դեպքերը, մասնագետը պատասխանել է. «Այս գործողությունները թույլ են տալիս փրկել կամ երկարացնել մարդու կյանքը, բայց մահացության իջեցման գլոբալ փոփոխություններ չի ենթադրում»: Սրտի վիրահատությունը մյուս երկրների համեմատ,ավելի մատչելի է (1-2 մլն դրամ): Անվճար և արտոնյալ պայմաններով սրտի ինվազիվ վիրահատություններ են արվում մինչև 7 տարեկան երեխաներին, բնակչության սոցիալապես անապահով և հատուկ խմբերում ընդգրկված անձանց: 2015-ին պետական բյուջեով սրտի անհետաձգելի վիրահատությունների ծրագրի իրականացման համար հատկացվել է 500 մլն դրամ: Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամենաընթերցվողը բաժնում | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ Ալիևը կրկին Զանգեզուրի միջանցք է պահանջում․ «ՀՀ–ն չի կարող հրաժարվել եռակողմ հայտարարության այդ դրույթից» «Այնտեղ գրված է, որ պետք է տրանսպորտային հաղորդակցություն լինի, որը հսկելու են ՌԴ սահմանապահները»,–ասել է նա |