Պատգամավոր. ԼՂՀ ճանաչման օրինագիծը կքննարկվի ԱԺ-ում անկախ կառավարության եզրակացությունից 6 մայիսի 2016 - 15:04 AMT PanARMENIAN.Net - Եթե Ադրբեջանը հաջորդ անգամ ռազմական գործողություններ սկսի, ԵԱՀԿ Մինսկի խմբի համանախագահ երկրների համար Արցախի անկախության ճանաչումը միանշանակ կլինի: Այդ մասին լրագրողների հետ հանդիպմանը հայտարարել է ԱԺ ՀՀԿ-ական պատգամավոր Սամվել Նիկոյանը՝ ընդգծելով, որ այս պահին Արցախի անկախության ճանաչելու ժամանակը չէ, հայտնում է Panorama.am-ը: «Մինսկի խմբից դժգոհություններ ունենալով հանդերձ, մենք հասկանում ենք, որ դա այն ձևաչափն է, որով պետք է շարունակենք բանակցությունները: Մինսկի խմբի այլընտրանքը ոչ թե քառօրյա պատերազմն է, այլ ավելի երկարատև: Եթե հիշում եք, ԼՂՀ անկախությունը ճանաչելու վերաբերյալ ասվել է՝ եթե Ադրբեջանը վերսկսի ռազմական գործողությունները, Հայաստանը կճանաչի Արցախի անկախությունը», - հայտարարել է պատգամավորը: Նա հստակեցրել է, որ Կառավարությունը ձեռնպահ է մնացել դրական եզրակացություն տալ պատգամավորների ներկայացրած Արցախի անկախության ճանաչման մասին օրինագծին և միայն հաստատվել է այն, որ որոշում կկայացվի այն ժամանակ, երբ գա անհրաժեշտ պահը: Օրենքի նախագիծը Կառավարության քննարկմանն էր ներկայացվել Ազգային ժողովի պատգամավորներ Զարուհի Փոստանջյանի և Հրանտ Բագրատյանի կողմից: «Արցախի ճանաչման մասին օրինագիծը քննարկվելու է նաև ԱԺ լիագումար նիստում, անկախ կառավարության եզրակացությունից», - հավելել է Սամվել Նիկոյանը: Պատգամավորը շեշտել է, որ, ըստ էության, քառօրյա պատերազմից հետո Ղարաբաղի խնդրի լուծման ընթացքում ձևավորվել է բոլորովին այլ մթնոլորտ, հայտնում է Tert.am-ը: «Եթե մինչև հիմա միջնորդ երկրները կարծում էին՝ չպետք է թույլ տալ, որ ռազմական բախում տեղի ունենա, որովհետև բոլորի մոտ մտավախություն կար, որ Բաքուն ռազմական ճանապարհով կլուծի հարցը, ապա հիմա բոլորը հասկացան, որ չի կարող Ադրբեջանը դա անել և բոլորովին այլ իրավիճակ է»,- ասել է Նիկոյանը և նշել, որ Ադրբեջանը մինչ այս պարբերաբար հայտարարում էր, որ մեկ օրվա ընթացքում կարող է լուծել Արցախի հարցը, սակայն բոլորը տեսան, որ չկարողացավ դա անել: Սամվել Նիկոյանը նշել է, որ Հայաստանի ռազմաքաղաքական ղեկավարությունը բանակցային գործընթացի վերաբերյալ կոշտացրել է դիրքորոշումները: «Կարևոր է, որ միջնորդ երկրները համարում էին, որ Հայաստանը կամ ԼՂՀ-ն դիմելու է իրենց, խնդրելու, աղաչելու է, եկեք օգնեք, փրկեք` երևի թե, շատերն այդպես էինք մտածում, այդպես չեղավ և ԼՂՀ, և ՀՀ սահմանը հայ զինվորն է պահում, այլ ոչ թե խաղաղարար ուժեր: Ըստ էության, մեր բանակը հզոր երկրների և այլ պետությունների խաղաքարտերը խառնել է, և իշխանությունը բանակցությունների վերաբերյալ կոշտացրել է դիրքորոշումը»,- ասել է նա: Պատգամավորը շեշտել է, թե, ըստ էության, եթե ռազմական գործողություններ են գնում՝ անիմաստ է բանակցությունների մասին խոսել: ՀՀ կառավարությունը մայիսի 5-ի նիստում դրական եզրակացություն է տվել «Արցախի Հանրապետությունը ճանաչելու մասին» ՀՀ օրենքի նախագծին: Այն սահմանված կարգի համաձայն կներկայացվի ՀՀ Ազգային ժողով: Որոշման նախագիծը ներկայացրել է ՀՀ փոխարտգործնախարար Շավարշ Քոչարյանը: Ավելի ուշ ՀՀ վարչապետի մամուլի քարտուղար Գոհար Պողոսյանը պարզաբանում ներկայացրեց «Արցախի Հանարապետությունը ճանաչելու մասին» օրինագծի վերաբերյալ: «ՀՀ կառավարությունն իր այսօրվա նիստում հաստատել է օրինագծի վերաբերյալ կառավարության եզրակացությունը, որտեղ ասված է, որ օրենքի նախագծի ընդունումը կպայմանավորի Հայաստանի և Արցախի միջև քննար¬կում¬ների արդյունքներով՝ հաշվի առնելով հետագա զարգացումները, այդ թվում նաև արտաքին գործոնները: Հետևաբար, այս փուլում Արցախի անկախության ճանաչման մասին օրինագծին ՀՀ կառավարությունը հավանություն չի տվել»,-ասել է նա: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ապրիլի 28–ին մայրաքաղաքում փակ փողոցներ կլինեն․ «Երևանի մարաթոնն» է Նախատեսվում է, որ միջոցառմանը կմասնակցի մոտ 2000 վազորդ Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ Լեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստում Ալիև․ Հայաստանի հետ պետսահմանի մոտ 10-12 կմ–ն արդեն կարելի է սահմանազատված համարել Նա նաև խոսել է հայկական կողմի հետ կանոնավոր շփումների մասին |