Իսրայելի նախագահն ու Երուսաղեմի Հայոց պատրիարքը քննարկել են Մերձավոր Արևելքում քրիստոնյաների հալածանքները10 մայիսի 2016 - 14:00 AMT PanARMENIAN.Net - Իսրայելի նախագահ Ռեուվեն Ռիվլինը մայիսի 9-ի առավոտյան այցելել է Երուսաղեմի Հին քաղաքում գտնվող հայ առաքելական եկեղեցի և հանդիպել է Իսրայելում քրիստոնեական համայնքի առաջնորդների հետ: Ռիվլինին դիմավորել է Երուսաղեմի Հայոց պատրիարք Նուրհան Մանուկյանը: Իսրայելի նախագահը շնորհակալություն է հայտնել պատրիարքին և համայնքին հյուրընկալության համար, հայտնում է Israelnationalnews.com-ը: «Ձեր համայնքի առաջնորդների հետ հանդիպումները միշտ կարևոր են ինձ համար, սակայն, այս օրերին, հնարավոր է, ավելի կարևոր: Ծանր ժամանակներ են մեր քաղաքի համար: Ահաբեկչությունն ու մահը վերադարձել են մեր փողոցներ: Կատաղի գրոհներն ամբողջ քաղաքի տարածքում ահագնացնում են վախը, և դրան զուգահեռ գալիս են անհանդուրժողականությունն ու ատելությունը»,-ասել է Ռիվլինը: Նա կրկին հայտարարել է, որ Իսրայելը գնահատում է դավանանքի ազատությունը և մտահոգված է քրիստոնյա համայնքի բարգավաճմամբ, որին վտանգ է սպառնում ամբողջ Մերձավոր Արևելքում: Մերձավոր Արևելքում տարիներ շարունակ ակտիվ գործում են ահաբեկչական խմբավորումները: Իսրայելում, մասնավորապես, պարբերաբար ահաբեկչական գործողություններ են կատարվում: Ամենալայնածավալներից էին ինտիֆադաները: Արաբերենից թարգմանաբար «ինտիֆադա» նշանակում է «զինված հակամարտություն»: Պաղեստինա-իսրայելյան հակամարտության պատմության մեջ երկու ինտիֆադա է եղել: Առաջինի պաշտոնական մեկնարկը համարվում է 1987թ. դեկտեմբերի 9-ը, երբ Գազայի հատվածի փախստականների ճամբարում զանգվածային անկարգություններ սկսվեցին; Առաջին ինտիֆադան հաջողվեց դադարեցնել միայն 1993-ին: Երկրորդ ինտիֆադայի մեկնարկը համարվում է 2000թ. սեպտեմբերի 28-ը, երբ այն ժամանակվա իսրայելյան ընդդիմության առաջնորդ Արիել Շարոնը մի խումբ ակտիվիստների հետ բարձրացավ Տաճարի լեռը և նույն օրը Երուսաղեմի Հին քաղաքում բախումներ սկսվեցին: Ահաբեկչական հարձակումներն Իսրայելի փողոցներում հաճախակի են: Դրանց զոհ են գնում ինչպես զինծառայողներ, այնպես էլ խաղաղ բնակիչներ: Հայերն Իսրայելում վաղուց են բնակվում, Հին Երուսաղեմի չորս թաղամասերից մեկը կոչվում է Հայկական, այդտեղ է գտնվում Պատրիարքությունը և Մատենադարանը, որտեղ գտնվում է ավելի քան 4000 ձեռագիր մատյան: Իսրայելում մոտ 5000 հայ է բնակվում, որոնցից 2 հազարը կազմում է հին համայնքը, մյուսները՝ հայրենադարձներ են նախկին ԽՍՀՄ-ից: Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Միկոյան-Գալշոյան խաչմերուկում երթևեկությունը կփոփոխվի Փոփոխությունը կկատարվի փորձնական տարբերակով Ֆրանսիայի դեսպանն Ակադեմքաղաքի տարածքում էր․ Առաջնային է համարել հանրակացարանները, տրանսպորտը Այցելուների թվում էր նաև Հայաստանում ֆրանսիական համալսարանի ռեկտոր Սալվա Նակուզին |