Պայթյուն Ստամբուլում. 4 մարդ է տուժել

16 մայիսի 2016 - 12:58 AMT

PanARMENIAN.Net - Չորս մարդ է տուժել Ստամբուլի Մալտեպե թաղամասում` Անկարան Ստամբուլին կապող մայրուղու էստակադայի տակ տեղի ունեցած պայթյունից: Դեռ հայտնի չէ, թե ով է պայթյունի հեղինակը, հայտնում է ՌԲԿ-ն NTV-ի վրա հղումով:

Ռումբը եղել է փաթեթում, որը թողել են պատահարի վայրում:Ինչպես գրում է Reuters-ը, տուժածները վիրավորվել են մետաղյա բեկորներով: Նրանց վիճակի մասին տեղեկություննեչ չկան: Պայթյունի հետևանքով նաև մի քանի ավտոմեքենա է տուժել:

Մայրուղին, որի հարևանությամբ տեղի է ունեցել պայթյունը, ժամանակավորապես փակվել էր, հետագայում երթևեկությունը վերականգնվեց:

Խմբավորումներից ոչ մեկն ահաբեկչության պատասխանատվությունը չի ստանձնել:

Վերջին շրջանում պայթյունները Թուրքիայում հաճախակի են դարձել: Վերջինը տեղի է ունեցել մայիսի 12-ին, երբ ականապատ մեքենայի պայթյունից 8 մարդ տուժեց, այդ թվում 5 զինվորական:

2015-ի հուլիսին ՔԱԿ զինյալների հետ զինված հակամարտության վերսկսումից ի վեր զոհվել է մոտ 450 թուրք ոստիկան և զինվորական: Նախագահ էրդողանը հայտարարել է այդ ընթացքում մոտ 5.000 քուրդ զինյալի ոչնչացման մասին, սակայն քրդամետ Ժողովրդների դեմոկրատիյի կուսակցության ներկայացուցիչները պնդում են, որ հարյուրավոր խաղաղ բնակիչներ են զոհվել:

Հղումներ թեմայով.

RBC.ru: В Стамбуле прогремел взрыв под эстакадой

AP. Night-time blast wounds 4 in Istanbul