Լոռու Ճոճկան համայնքում կարկուտը վնասել է պտղատու ծառերի բերքի մոտ 15%-ը18 մայիսի 2016 - 13:12 AMT PanARMENIAN.Net - Լոռու մարզի Ճոճկան համայնքում օրեր առաջ տեղացած կարկուտը վնասել է ցրտահարությունից փրկված պտղատու ծառերը: «Մոտ 15%-ով վնասել է բերքը: Պտղատու ծառերի մասին է խոսքը՝ խնձորենի, բալենի»,- ասել է համայնքի ղեկավար Արկադի Թամազյանը: Նրա խոսքով, գյուղացիների կրած վնասների վերաբերյալ այս պահին հստակ հաշվարկներ չկան, հայտնու մէ Panorama.am-ը: 2015-ի ամռանն այս գյուղը տեղացած կարկուտի հետևանքով մեծ վնասներ էր կրել. մի քանի րոպեում ոչ միայն ցանքատարածություններն էին ավիրվել, այլև ջարդվել էին Ճոճկան գյուղի գրեթե բոլոր տների տանիքները և պատուհանների ապակիները, դրսում կայանած ավտոմեքենաները: Մայիսի 15-ին տեղացած կարկուտից տուժել են նույն մարզի Ծաթեր համայնքի մի քանի գյուղատնտես: «Մոտ 20հեկտարանոց տարածքում է կարկուտը խփել: Մի քանի ֆերմերներ են տուժել: Կարտոֆիլի ցանքատարածությունները տուժել են մոտ 25-30%-ով, բայց վերականգնվող են»,-ասել է Ծաթերի գյուղապետ Բագրատ Ղալայանը: Նրա խոսքով, առավել շատ տուժել են դրսից բերված սերմացուի ցանքատարածությունները, քանի որ այդ հատվածներում բույսը բարձր ու փարթամ է եղել: Գյուղապետն ասում է, որ գյուղի տարածքում հակակարկտային կայաններ կան, դրանք անընդհատ կրակել են, հակառակ դեպքում վնասներն ավելի մեծ կլինեին: Մայիսի 18-ի գիշերվա ընթացքում՝ ժամը 00.16-ից մինչև 00.47-ը, ԱԻՆ հիդրոօդերևութաբանության և մթնոլորտային երևույթների վրա ակտիվ ներգործության ծառայության հակակարկտային թվով 10 կայանքից Լոռու մարզի Լեջան, Ագարակ, Ամրակից, Յաղդան, Կողես համայնքների տարածքներում ներգործության է ենթարկվել կարկտավտանգավոր 1 ամպ, կատարվել է 600 կրակոց: Հղումներ թեմայով. Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |