Իտալական պարբերական. Բաքուն ստիպված կլինի պատասխան տալ մարդկության դեմ հանցագործությունների համար20 մայիսի 2016 - 17:04 AMT PanARMENIAN.Net - Իտալական առաջատար il Giornale պարբերականը հոդված է հրապարակել ապրիլյան քառօրյա պատերազմի մասին՝ հարցադրում դնելով, թե ինչն էր թաքնված Բաքվի ռազմական արկածախնդրության հետևում, հատկապես այն դեպքում, երբ դրանից գործնականում Բաքուն ոչինչ չշահեց: «Այսպես կոչված չորս օրյա պատերազմից մեկ ամիս անց, մեծագույն խորհրդավորություն է, թե ինչու Ադրբեջանի նախագահը սանձազերծեց ոչնչով չարդարացված՝ այդ թվում նաև ռազմական կարևորության տեսանկյունից, արկածախնդրություն: Շփման գծի շրջանում մի քանի բլուրներից բացի, ապրիլի 2-ին իրականացրած հարձակումը որևէ տարածքային լուրջ ձեռքբերումներ չի երաշխավորել Ադրբեջանի համար, քան այն, ինչ սահմանված է 1994-ի հրադադարի համաձայնագրով: Իսկ մյուս կողմից էլ ադրբեջանական անկախ Մեյդան TV-ն հրապարակել է զոհերի ու կորուստների իրական թվերը. Ձեռք բերված բարձունքերը որևէ կերպ համեմատելի չեն այն մարդկային կորուստների հետ, որ ունեցավ Ադրբեջանը, Իսկ ամենատեսանելի ձախողումը թերևս միջազգային վստահության կորուստն էր»,- գրում է պարբերականը, հայտնում է Panorama.am-ը: Նշվում է, որ բացի 1994-ի հրադադարի խախտումից, Բաքուն ստիպված է նաև պատասխան տալ մարդկության դեմ իրագործած իր բանակի հանցագործությունների համար: Ամենախնդրահարույց պահը հայ զինվոր Քյարամ Սլոյանին գլխատելն ու նրա գլուխը ադրբեջանական գյուղում ցույց տալն է: Գրեթե նույն ձեռագիրն է շարունակվում, ինչ տարիներ առաջ էր, երբ Ալիևը Ռամիլ Սաֆարովին հայ սպային կացնահարելու համար կոչում շնորհեց: Պարբերականի դիտարկմամբ, Ալիևի կողմից ապրիլին ձեռնարկված հարձակումը կարող է պայմանավորված լինել Ադրբեջանում հասունացող տնտեսական ճգնաժամից հասարակության ուշադրությունը շեղելու մտայնությամբ: Մյուս կողմից էլ պարբերականի դիտարկմամբ, Ալիևի գործողությունների հետևում մեծ հավանականությամբ «Էրդողանն է, ով նպատակ ունի, այս կերպ սահմանափակել Ռուսաստանի ազդեցությունը Կովկասում»: Ապրիլի 1-ի լույս 2-ի գիշերը ադրբեջանական կողմը Լեռնային Ղարաբաղի նկատմամբ սկսել է լայնածավալ հարձակողական գործողություններ, կիրառել է իր զինանոցում եղած ռազմական տեխնիկայի գրեթե բոլոր հնարավոր տեսակները: ՊԲ ստորաբաժանումները, ըստ ԼՂՀ ՊՆ տվյալների, ոչնչացրել են հայկական դիրքերի ուղղությամբ գրոհող թշնամական 2 ուղղաթիռ, ինչպես նաև 26 տանկ, 4 ՀՄՄ, 1 «Գրադ», ինժեներական 1 մեքենա և 13 ԱԹՍ: Ապրիլի 5-ին Մոսկվայում Հայաստանի ու Ադրբեջանի ԶՈւ գլխավոր շտաբերի պետերի միջև ժամը 12:00-ից կրակի դադարեցման մասին երկկողմանի պայմանավորվածություն է ձեռք բերվել՝ բանակցություններ անցկացնելու պայմանով: Սակայն ադրբեջանական կողմը շարունակում է գնդակոծել ինչպես ղարաբաղյան, այնպես էլ ՀՀ դիրքերը: Ապրիլին ղարաբաղա-ադրբեջանական զորքերի շփման գծում մարտական գործողությունների ընթացքում ՀՀ-ից առաջնագիծ են մեկնել հազարավոր կամավորներ: Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Փաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ Ըստ նրա, բոլոր գործողությունները հնարավոր էր իրականացնել 2 ամսում Վրաստանի խորհրդարանն առաջին ընթերցմամբ ընդունել է «օտարերկրյա գործակալների» մասին օրենքը Զուրաբիշվիլին դռնփակ հանդիպման է հրավիրել արևմտյան երկրների դեսպաններին Հաջիև․ Ադրբեջանի և ՌԴ ղեկավարությունը ռուս խաղաղապահների վաղաժամ դուրսբերման որոշում է կայացրել Նա նշել է, որ Ադրբեջանի և ՌԴ ՊՆ–ները ձեռնարկում են անհրաժեշտ միջոցներ որոշումը կյանքի կոչելու համար |