Գազի սակագինը կարող է հուլիսի 1-ից նվազել21 մայիսի 2016 - 12:45 AMT PanARMENIAN.Net - Հանրային ծառայությունները կարգավորող հանձնաժողովը մինչև մայիսի վերջ նիստ կգումարի՝ գազի սակագինը 9.3 դրամով իջեցնելու վերաբերյալ թեմայով, տեղեկացրել է հանձնաժողովի սակագնային քաղաքականության վարչության պետ Գարեգին Բաղրամյանը։ Ըստ այդմ՝ հնարավոր է, որ հուլիսի 1-ից արդեն բնակիչները կարողանան գազի 1 խմ դիմաց 156 դրամի փոխարեն վճարել 146 դրամ։ Ապրիլի 29-ին «Գազպրոմ Արմենիա» ընկերությունը դիմել է Հանրային ծառայությունները կարգավորող հանձնաժողով (ՀԾԿՀ)՝ բնական գազի սակագնի վերանայման հայտով, որով առաջարկվում է ամսական մինչև 10 հազար խորանարդ մետր գազի սպառում ունեցող բնակչության համար յուրաքանչյուր 1000 խորանարդ մետր գազի սակագինն իջեցնել՝ դարձնելով 146.700 դրամ՝ ներկայում գործող 156.000 դրամի փոխարեն (9.3 դրամով 1 խորանարդ մետր գազի դիմաց)։ Ամսական 10 հազար և ավելի խորանարդ մետր սպառում ունեցողների համար հաշվարկող բանաձևում առաջարկվում է $276.98 սակագինը դարձնել $257.56: Հանձնաժողովի պաշտոնյան նշել է, որ գազի գինը իջեցնելու առաջարկ է ներկայացրել «Գազպրոմ Արմենիան»՝ հիմնվելով ապրիլին Հայաստանի և Ռուսաստանի կառավարությունների միջև ստորագրված գազային նոր համաձայնագրի վրա։ Բաղրամյանը շեշտել է ՝ սակագինը է՛լ ավելի իջեցնելու հնարավորություն չկա, քանի որ կողմերի ստորագրած համաձայնագրում ներառվել են հենց այս պայմանները, հաղորդում է «Ազատություն» ռադիոկայանը։ «Գազի սակագինը իջնում է այն պայմանով, որ ընկերությունների եկամուտները մնան, այսինքն, այն ամբողջ եկամուտը, որ ձևավորվում է այդ տարբերությունից, ամբողջությամբ իջեցված է, այլևս իջեցնելու հնարավորություն չկա», - պարզաբանել է Բաղրամյանը: Մայիսի 2-ին հայտնի է դարձել, որ ՀՀ հանրային ծառայությունները կարգավորող հանձնաժողովն իր նախաձեռնությամբ սկսում է էլեկտրաէներգետիկական համակարգի ընկերությունների կողմից էլեկտրաէներգիայի արտադրության և ծառայությունների մատուցման, ինչպես նաև վերջնական սպառողներին վաճառվող էլեկտրաէներգիայի սակագների վերանայման գործընթաց: Հղումներ թեմայով. Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Հայաստանը Տաթևի և Տաթևի մեծ անապատ համալիրները Հաագայի կոնվենցիայով ուժեղացված պաշտպանության տակ առնելու հայտ կներկայացնի Նախապատրաստական աշխատանքներ են ընթանում «Ազատություն»․ՀՀ–ն, ըստ նախնական համաձայնության, առաջին անգամ օգնություն կստանա ԵՄ Խաղաղության հիմնադրամից Գումարը, ըստ փաստաթղթի, պետք է տրամադրվի մեկ գումարտակի համար նախատեսված դաշտային մոդուլային ճամբար ստեղծելու համար ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Խոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններ |