Վրաստանը կուժեղացնի հսկողությունն Աբխազիայի հետ սահմանին իր քաղաքացու սպանությունից հետո23 մայիսի 2016 - 16:11 AMT PanARMENIAN.Net - Վրաստանի իշխանությունները որոշել են ուժեղացնել Աբխազիայի հետ սահմանը աբխազ սահմանապահների կողմից Վրաստանի քաղաքացու սպանությունից հետո: Այդ մասին հայտարարել է Վրաստանի Պետանվտանգության ծառայության փոխղեկավար Լևան Իզորիան, հայտնում է Lenta.ru-ն: Իզորիան նշել է, որ վրացական կողմը մտադիր է ուժեղացնել սահմանի պարեկությունը` թույլ չտալու համար նման միջադեպերի կրկնությունը: Նա նաև հայտնել է, որ Թբիլիսին մտադիր է վերջին 4 տարում առաջին անգամ հանդիպել աբխազական կողմի հետ Միջադեպերի կանխման ու արձագանքման մեխանիզմների շրջանակում, ինչպես նաև պահանջել է պատժել մեղավորին: Վրաստանի ՆԳ փոխնախարար Արչիլ Թալակվաձեն հայտարարել է, որ Թբիլիսին պատրաստ է սահմանին լրացուցիչ հսկիչ անցակետեր տեղակայել, սակայն, խոստովանել է, որ դա պահանջում է միջազգային միջնորդների միջամտությունը: Աբխազիայի ՆԳՆ-ն իր հերթին կոչ է արել վրացական իշխանություններին չօգտագործել Վրաստանի քաղաքացի Գիգի Օտխոզորիայի սպանությունը իրավիճակը սրելու նպատակով: «Ցավալի է, որ վրացական կողմը, մասնավորապես, Վրաստանի ՆԳՆ-ն, որոշել է օգտագործել այդ իրադարձությունն իրավիճակը սրելու համար` հերթական անգամ փորձելով միավորներ հավաքել տեղեկատվական պատերազմում»,-ասվում է հայտարարության մեջ: Միջադեպը տեղի է ունեցել մայիսի 19-ին Վրաստանի և Աբխազիայի սահմանին` «Նաբակիա» հսկիչ անցակետում: Ըստ պաշտոնական Սուխումի, Աբխազիայի սահմանապահ զինծառայողի և Վրաստանի քաղաքացի Գիգի Օտխոզորիայի միջև, որը փորձել է անցնել սահմանն առանց փաստաթղթերի և եղել է ոչ սթափ վիճակում, վիճաբանություն է տեղի ունեցել: Արդյունքում Օտխոզորիան սպանվել է: Ըստ Վրաստանի գլխավոր դատախազության, Օտխոզորիան փարձել է աբխազ սահմանապահների հետ պայմանավորվել մթերքի ներմուծման մասին: Նրանց միջև վիճաբանություն է առաջացել, որից հետո Օտխոզորիան վերադարձել է Վրաստանի տարածք, սակայն աբխազ սահմանապահները հասել են նրան, որից հետո նրանցից մեկը` Ռաշիդ Ղանջիօղլուն, մի քանի անգամ կրակել է տղամարդու վրա: Օտխոզորիայի սպանության փաստով Աբխազիայի և Վրաստանի իրավապահ մարմինները քրեական գործեր են հարուցել: Միջադեպը նկարահանվել է և տեղադրվել համացանցում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Լաքոտ. Եկեք լինենք ճշմարտության և արդարության կողմից Նա նշել է, որ Ապրիլի 24-ը Հայոց ցեղասպանության հիշատակի օրն է Աֆեյան․ Պետք է ավելին անենք, քան անցյալի ջարդերի ցավը սգալը՝ ժամանակն է քայլեր ձեռնարկել Քայլեր ձեռնարկելու կոչն ընդգծում է վայրագությունների նմանությունները, որոնք տեղի են ունեցել 109 տարի առաջ և կրկնվում են այսօր. Փայլան. Ապրում ենք այնպիսի Թուրքիայում, ինչպիսին կլիներ Գերմանիան, եթե այնտեղ լինեին Հիտլերի անունով փողոցներ ու դպրոցներ Նա նաև հարգանքի տուրք է մատուցել այն եզակի պաշտոնյաներին, որոնք չեն կատարել ցեղասպանության վերաբերյալ որոշումը Բելգիայի ԱԳ նախարարը Բրյուսելում մասնակցել է Ցեղասպանության զոհերի հիշատակին նվիրված մոմավառությանը Նա կարևորել է Հայաստանի և հայ ժողովրդի՝ մասնավորապես Բելգիայի հայ համայնքի հետ բարեկամական հարաբերությունները |