 Եգիպտացի փորձագետները հերքում են կործանված A320-ում պայթյունի մասին հայտարարությունները 24 մայիսի 2016 - 17:50 AMT PanARMENIAN.Net - Եգիպտոսի դատաբժշկական փորձաքննության ծառայության ղեկավար Հիշամ Աբդել Համիդը հերքել է ԶԼՄ-ներում հայտնված հաղորդագրությունները իբր իր աշխատակիցների կողմից արված հայտարարությունների մասին, որոնց համաձայն Միջերկրական ծովում կործանված EgyptAir ավիաընկերության ինքնաիթռում պայթյուն է եղել: Դատաբժշկական փորձաքննության ծառայության ղեկավարի հայտարարությունը հաղորդել է Եգիպտոսի պետական ՄԵՆԱ գործակալությունը: Ավելի վաղ ԶԼՄ-ները հայտնել էին, քննչական խմբի անդամ փորձագետի վրա հղումով, որն անձամբ էր մասնակցել զննությունը և չի ցանկացել նշել իր անունը: Նա ասել էր, որ զննությունը ցույց է տալիս, որ ուղևորատար ինքնաթիռում պայթյուն է տեղի ունեցել: «Դա ճիշտ չէ: Եգիպտոսի դատաբժշկական փորձագետներից ոչ մեկը նման հայտարարություն չի արել»,-ասել է Աբդել Համիդը, հայտնում է ՌԻԱ Նովոստին: ԶԼՄ-ների հաղորդագրությունները հերքել է նաև Ֆրանսիայի ներկայացուցիչը աղետի հետաքննության խմբից: Նա հայտարարել է Sputnik գործակալությանը, որ ոչ մի ցուցում չկա, որ ինքնաթիռում պայթյուն է եղել և հարկավոր է սպասել սև արկղերի հայտնաբերմանը: Մայիսի 19-ին Փարիզից Կահիրե ուղևորվող EgyptAir ավիաընկերության ինքնաթիռն անհետացել է ռադարներից: Վերջին տվյալներով, ինքնաթիռն ընկել է Միջերկրական ծովը: Ըստ ավիաընկերության տվյալների, ինքնաթիռում եղել է 66 մարդ. 56 ուղևոր, այդ թվում՝ 3 փոքր երեխա, և անձնակազմի 10 անդամ: Ուղևորների թվում կան եգիպտացիներ, բրիտանացիներ, ֆրանսիացիներ, սաուդացիներ և Իրաքի քաղաքացիներ:   Ուշագրավ Այցն աշխատանքային է Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ   Ամենաընթերցվողը բաժնում |  Վերջին լուրեր ՀՀ և Ադրբեջանի սահմանին փորձագետները սկսել են կոորդինատների ճշտումը  Նշվում է, որ դա արվում է հանձնաժողովի 8-րդ հանդիպման արդյունքներով ձեռք բերված պայմանավորվածությունների համաձայնՎարչապետ․ ՀԱՊԿ–ը սահման պիտի գար որպես ՀՀ դաշնակից, ոչ թե որպես խաղաղապահ կամ խաղաղարար «Այս պայմաններում մենք չենք կարող ուղղակի ձևացնել, թե այդ ամեն ինչը չենք նկատում»,–ասել է նաԲաղանիսի և Ոսկեպարի ղեկավարները դժգոհ են փոխվարչապետի հետ հանդիպումից․ Երևանում նրանց հորդորել են հանդարտեցնել մարդկանց Նշվել է, որ կոնկրետ Բաղանիս Այրումի հատվածում սահմանի փոփոխություններ կլինեն արդեն ապրիլի 23–ից սկսածՍիմոնյանը՝ ԵՄ համաժողովում․ Մտահոգիչ է, որ ՌԴ բազմաթիվ պաշտոնյաներ համարձակվում են թելադրել Հայաստանի շահերը Նա խոսել է Հայաստանի դեմ ՌԴ և Ադրբեջանի հիբրիդային հարձակման մասին՝ կապված ապրիլի 5-ի Բրյուսելի հանդիպման հետ |
