Թուրք պրոֆեսոր. Ինչո՞ւ պետք է երիտթուրքերի պաշտպանը դառնանք, ժխտումը մեզ խայտառակում է 3 հունիսի 2016 - 13:31 AMT PanARMENIAN.Net - Երկար տարիներ 1915-ին Օսմանյան կայսրությունում տեղի ունեցածն ուսումնասիրած թուրք պրոֆեսոր Բասքըն Օրանը Գերմանիայի Բունդեսթագի կողմից Հայոց ցեղասպանության մասին բանաձևի ընդունման առնչությամբ պահանջել է, որ Թուրքիան հայերից ներողություն խնդրի՝ պատճառած ցավի համար, գրում է թուրքական T24 կայքը։ Օրանը նշել է, որ Թուրքիան պետք է ներողություն խնդրի նաև «այդ աղետը մինչ այժմ սեփական քաղաքացիներից թաքցնելու համար»։ «Ես ինչո՞ւ պետք է պաշտպանեմ երիտթուրքերի սպանությունները»,-հարցրել է պրոֆեսորը, գրում է Tert.am-ը։ Բասքըն Օրանը նշում է, որ «ցեղասպանություն» եզրույթն օգտագործելուն տարբեր կողմերից կարելի է նայել։ «Թուրքիան շտապ պետք է հայտարարություն տարածի, տեղի ունեցածի համար ներողություն խնդրի»,-ասել է նա։ Օրանի պահանջների մեջ անգամ հայերի ունեցվածքի փոխհատուցման հարց է բարձրացվում։ «Քանի դեռ թուրքական պետությունը շարունակում է ջայլամի քաղաքականությունը, միջազգային հանրության կողմից «ծեծն ավելանալու ու խստանալու է»»,-ասել է նա։ «Սկզբում ասում էին. «Հայե՞ր են սպանվել։ Դա ի՞նչ է», ապա շարունակեցին՝ ասելով. «Մենք նրանց չենք սպանել, այդ նրանք են մեզ սպանել», այժմ ասում են՝ «Կռիվ է եղել»։ Այդ ժխտումները մեր երկիրը խայտառակում են։ Ես ինչո՞ւ երիտթուրքերի սպանությունների պաշտպանը դառնամ»,- ասել է Օրալը։ Հունիսի 2-ին Գերմանական խորհրդարանը ձայների ճնշող մեծամասնությամբ կողմ է քվեարկել հայերի ու այլ քրիստոնյաների ցեղասպանությունը ճանաչող բանաձևին: Դեմ էր ընդամենը 1 պատգամավոր, ևս մեկը ձեռնպահ է մնացել:Բանաձևում ասվում է՝ «101 տարի առաջ հայերի և այլ քրիստոնյա փոքրամասնությունների դեմ իրականացված ցեղասպանությունը պետք է հիշատակել»։ Նշվում է, որ խորհրդարանը դատապարտում է Օսմանյան կառավարության կողմից հայերին գրեթե ամբողջությամբ ոչնչացնելու գործողությունները։ 5 էջանոց բանաձևում նշվում է, որ «Հայերի ճակատագիրը 20-րդ դարում տեղի ունեցած կոտորածի, էթնիկ զտման, տեղահանության ու ցեղասպանության օրինակ է»։ Բունդեսթագի՝ ազգությամբ թուրք պատգամավորներից առնվազն 7-ը կողմ են քվեարկել Ցեղասպանության ճանաչմանը Ցեղասպանության բանաձևին դեմ քվեարկած միակ պատգամավորը բացատրել է՝ ինչու Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |