Պետդեպը՝ Ստամբուլի տաճարում Ղուրան ընթերցելու մասին. Թուրքիան պետք է հարգի Սբ Սոֆիայի ավանդույթները10 հունիսի 2016 - 09:44 AMT PanARMENIAN.Net - Թուրքիան պետք է հարգի Ստամբուլի Սբ Սոֆիայի տաճարի ավանդույթները: Այս մասին հայտնել է ԱՄՆ Պետդեպի պաշտոնական ներկայացուցիչ Մարկ Թոները: Հույն լրագրողը խնդրել է նրան մեկնաբանել թուրքական իշխանությունների որոշումը հին հունական տաճարում Ղուրանի ընթերցման վերաբերյալ՝ մահմեդականների համար սուրբ ամիս համարվող Ռամադանի ընթացքում: «Մենք ընդունում ենք, որ Այա Սոֆիան բացառիկ նշանակության վայր է: Մենք կոչ ենք անում թուրքական կառավարությանը պահպանել Այա Սոֆիան այնպես, որ հարգվեն նրա ավանդույթները և նրա բարդ պատմությունը»,- ասել է Թոները` օգտագործելով սրբավայրի հունական անվանումը, գրում է Tert.am-ը: Որպես պատասխան Գերմանիայի կողմից Հայոց ցեղասպանության ճանաչմանը Թուրքիայի նախագահ Ռեջեփ Թայիփ Էրդողանը որոշել է մզկիթի վերածել մինչ այդ պատմական հուշարձանի կարգավիճակ ունեցող Ստամբուլի Այա Սոֆիա տաճարը: «85 տարի անց Ռամադանի 30 օրերին Այա Սոֆիան կրկին մզկիթի է վերածվում. hունիսի 6-ից հուլիսի 7-ը պետական հեռուստաալիքն ուղիղ եթերով հեռարձակելու է առավոտյան աղոթքը»,-հայտարարել է Էրդողանը: Հունաստանի ԱԳՆ-ն դատապարտել է Թուրքիայի որոշումը որպես հետադիմական և մոլեռանդ: «Մենք դատապարտում ենք Թուրքիայի իշխանությունների մտադրությունը Սբ Սոֆիայի տաճարում Ղուրան ընթերցելու վերաբերյալ»,-ասվում է ԱԳՆ հայտարարության մեջ: «Մոլեռանդության հասնող մահմեդական ծեսերը համաշխարհային մշակութային ժառանգություն հանդիսացող հուշակոթողում անհասկանալի են ու անհարգալից վերաբերմունք են և անհամատեղելի են ժամանակակից ժողովրդավարական ու աշխարհաիկ հանրությունների հետ»,-ասել է ԱԳՆ-ն: Էրդողանի գործողությունները կտրուկ արձագանք ստացան Հունաստանում: ԶԼՄ-ները սադրիչ անվանեցին Սբ Սոֆիան մզկիթի վերածելու Էրդողանի որոշումը Սբ Սոֆիայում Ղուրանի ընթերցումը բողոք էր առաջացրել Հունաստանի ԱԳՆ-ում, ինչպես նաև ուղղափառ հասարակության վրդովմունքը մի շարք երկրներում, այդ թվում` Ռուսաստանում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Առաջարկ. Մեքենայի գույքահարկը տեխզննման պահին վճարել մասնակի Օրենքն ուժի մեջ կմտնի 2025 թվականի հունվարի 1-ից Պետել․ ԼՂ–ում հայկական ներկայության բոլոր հետքերը ջնջելն Ալիևի վարչակարգի նախագիծն է «Ադրբեջանցիներն այժմ գրոհում են կառավարության շենքը»,- գրել է նա ՄԻԵԴ-ում դատավորի պաշտոնում ՀՀ-ի կողմից առաջադրվող թեկնածուները հաստատվել են 3 նոր դատավոր է նշանակվել Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո |